影片
更多
2018-12-07
1289 瀏覽
見凍咗兩日，天氣又開始慢慢回暖，仲以為可以繼續著短袖衫，點知天文台又話星期五溫度會再次下降，真係一啲都唔可以鬆懈！對付寒流最佳嘅方法當然就係打邊爐，食完成個人暖笠笠。其實呢間「8 鍋臭臭鍋」喺尖沙咀開店嘅時候就已經好想幫襯，不過一直懶得行，最近聽朋友講，餐廳喺銅鑼灣開咗分店，啱曬我呢個港島人，今晚就一於約埋老公一人一鍋，不過就絕對唔係自私食！原來呢間「台式臭臭鍋專門店」係喺謝斐道駱克大廈 A 座地下，離遠已經望到間餐廳，門面非常光猛。店內地方頗大，裝潢簡約雅緻，以淺色為主調，座位寬敞舒適，感覺似 Café，跟人多嘈雜的港式邊爐店大相徑庭。拿起桌上餐牌，鍋物共有 9 款，由熱門的臭臭鍋、牛奶鍋、麻辣鍋，以至新上市的咖喱奶蓋鍋等都有得供應，每一個鍋都會連白飯或粉絲一碗，而定價方面就劃一為每鍋 $112。如果驚唔夠飽嘅話，當然亦可以另點小食同火鍋料。另外每張檯上面都會放有醬料，據說醬料全部都係由台灣直送，有豆瓣醬、沙茶醬、蒜蓉同豉油等。餐牌上有埋「混醬」指引，原來 3 匙豆瓣或沙茶醬，2 匙豉油和 1 匙蒜蓉，是最完美嘅比例。點了招牌臭臭鍋及蒜香牛肉鍋各一。臭臭鍋材料非常豐富，有娃娃菜、白豚
原來呢間「台式臭臭鍋專門店」係喺謝斐道駱克大廈 A 座地下，離遠已經望到間餐廳，門面非常光猛。店內地方頗大，裝潢簡約雅緻，以淺色為主調，座位寬敞舒適，感覺似 Café，跟人多嘈雜的港式邊爐店大相徑庭。
拿起桌上餐牌，鍋物共有 9 款，由熱門的臭臭鍋、牛奶鍋、麻辣鍋，以至新上市的咖喱奶蓋鍋等都有得供應，每一個鍋都會連白飯或粉絲一碗，而定價方面就劃一為每鍋 $112。如果驚唔夠飽嘅話，當然亦可以另點小食同火鍋料。另外每張檯上面都會放有醬料，據說醬料全部都係由台灣直送，有豆瓣醬、沙茶醬、蒜蓉同豉油等。餐牌上有埋「混醬」指引，原來 3 匙豆瓣或沙茶醬，2 匙豉油和 1 匙蒜蓉，是最完美嘅比例。
點了招牌臭臭鍋及蒜香牛肉鍋各一。臭臭鍋材料非常豐富，有娃娃菜、白豚肉、臭豆腐、台灣貢丸、米血糕、大腸、豬紅、沙白、鵪鶉蛋、蕃茄、榨菜絲、韮菜、金針菇、鳴門卷及炸枝竹等。揀咗小辣，最正當然係臭豆腐，雖然唔係好夠臭，但索盡湯汁，入口軟綿。另外鴨血同米血糕亦非常之特色，前者入口滑溜，比預期討好；而後者食落亦煙韌有嚼頭，帶微微甜味，很有新鮮感。白豚肉質素亦不俗，薄切柔軟，而且油脂分佈平均，既軟嫩又富肉香。
至於另一客蒜香牛肉鍋，用料亦絕不欺場。材料有娃娃菜、牛肉片、蟹籽丸、甜不辣、牛丸、凍豆腐、粟米、金針菇、炸枝竹、粉絲、沙白、鳴門卷、翡翠魚豆腐同蕃茄。火鍋送上檯時已經聞到濃郁嘅蒜香味，非常之有驚喜。牛肉片水準唔錯，肉質同脂肪比例都好平均，食落有牛味又夠肉汁。蟹籽丸內藏粒粒蟹籽，入口爽滑彈牙，吃罷滿嘴鮮香。米飯選用了珍珠米，入口煙韌有飯香；而粉絲食落亦爽身彈牙。
兩口子都愛吃香口之物，一場嚟到當然要揀番個小食試下。選了一客鹽酥雞 ($42)，鹽酥雞外層裹上粗粒番薯粉，以炸過的九層塔伴隨上桌，食落有香酥脆口感，配惹味的九層塔同吃，倍添香氣。
飲品點了招牌奶茶 ($28) 同香芋奶茶 ($28) 各一，兩杯奶茶味道都唔錯，茶底香醇有厚度、甜度亦十分適中，入口有明顯的蔗糖香氣。這晚雖然只嘗了兩款鍋物，但覺得整體味道比連鎖店優勝，值得 Encore！
張貼
