紅爵御宴

營業中

休息中

今日同呀媽去元朗閒逛，誤打誤撞，去咗呢間酒樓食晏。酒樓係1樓，似係新開張，地下大堂有d似酒店，但外圍就係竹棚嘅花牌，中西對比，有趣有趣。我地2人，叫咗以下野食…魚翅灌湯餃 - 賣相唔錯，有成粒乾 瑤柱喺面 但隻灌湯餃一條假魚翅都冇，有一大堆肥膏，兩粒好細嘅蝦段，唔掂呀!燒腩仔 - 賣相好，睇到肥膏同肉一層層咁，皮係脆嘅，算唔錯。鳳爪蒸排骨飯 - 一個煲仔咁上，份量算多，正常味道。芋絲脆春卷 - 有4條，油，我接受到，但呀媽接受唔到，哈哈。埋單約$140﹐以星期六去飲茶，算係平，但質數普普通通啦。