優點點心專門店

營業中

休息中

返完夜更，同同事想食埋早餐先返屋企， 大家無想法，見到呢間點心店就入左去。呢間鋪簡單d形容就係專賣點心的茶餐廳，有露天同室內嘅座位，地方較迫，活動空間不大。二人點左5樣野:1. 燒賣： 味ok, 多汁， 都算大粒2. 蝦餃： 正常size, 個皮少少煙up, 味ok, 可惜只係暖唔叫得係熱， 放左一陣就變凍了， 點心唔熱唔好食。3. 棉花雞： 咸左d, 而且超多油。4. 鳳爪排骨飯： 份量足夠，食得出真係蒸飯而唔係煮好再放埋一齊嘅，個飯本身已夠味，唔落豉油都Ok。5. 韮菜鮮蝦腸粉： 味道比想像中好， 韮菜同蝦比想像中夾，不過腸粉較厚身。 佢嘅茶係用家用茶壺而非酒樓用嘅茶壺， 總體價錢同酒樓無分別，食過一次就夠了。