影片
更多
2022-02-02
1262 瀏覽
先祝大家身體健康，虎年行大運！🧧年初一周圍飲茶都要瘋狂等位，唯有向屯門進發。⛰之前去過附近的海天，幾好食，今次試吓呢間青山灣。🪑裝修正常，但樓底矮咗少少，完全無風景無窗（用窗簾遮曬）🕊香燒王子鴿 $58比較細隻，但都有肉汁，唔乾，幾好。🍆燒汁茄子 $27個汁好澎湃，但無乜燒汁味，普通。🦞龍蝦湯鮮竹卷 $33.8個龍蝦湯好稀，無龍蝦味，鮮竹卷比較扁，唔飽滿，🥩蜜汁叉燒腸 $33.8腸粉皮比較彈比較厚，叉燒唔多又唔少，普通。🥯咸水角 $27.8炸得好靚、好脆，餡唔算多。🐖滋補豬腳薑 $42薑好碎有渣，隻蛋竟然可以雪白雪白，麻麻地。🫖茶 $13/位叫鐵觀音但俾普洱，而且都幾難飲。🤵🏻♂️本身叫咗個鳳爪，等極都唔上，追先話賣曬，呢方面嘅服務就差咗少少。結論：同海天比我會去海天，或者下次試下容龍。
🧧年初一周圍飲茶都要瘋狂等位，唯有向屯門進發。
⛰之前去過附近的海天，幾好食，今次試吓呢間青山灣。
🪑裝修正常，但樓底矮咗少少，完全無風景無窗（用窗簾遮曬）
🕊香燒王子鴿 $58
比較細隻，但都有肉汁，唔乾，幾好。
🍆燒汁茄子 $27
個汁好澎湃，但無乜燒汁味，普通。
🦞龍蝦湯鮮竹卷 $33.8
個龍蝦湯好稀，無龍蝦味，鮮竹卷比較扁，唔飽滿，
🥩蜜汁叉燒腸 $33.8
腸粉皮比較彈比較厚，叉燒唔多又唔少，普通。
🥯咸水角 $27.8
炸得好靚、好脆，餡唔算多。
🐖滋補豬腳薑 $42
薑好碎有渣，隻蛋竟然可以雪白雪白，麻麻地。
🫖茶 $13/位
叫鐵觀音但俾普洱，而且都幾難飲。
🤵🏻♂️本身叫咗個鳳爪，等極都唔上，追先話賣曬，呢方面嘅服務就差咗少少。
結論：同海天比我會去海天，或者下次試下容龍。
張貼
