鍋心粥底火鍋 (順寧道)

營業中

休息中

粥底海鮮鍋聞名不如見面，終於有機會可以一試，好好彩即日電話book枱都可以成功預約，可能係閒日啦。去到見到walk in 真係會無得食，所以成日話，機會係留俾有準備嘅人絕對係食方面都係冇錯㗎！第一次食唔係好識叫，原來可以揀五款海鮮，八款配料。望落好似好少咁，但依個份量都足夠飽到上心口。5款海鮮揀咗：鮑魚、蝦、花甲、貴妃蚌、刀背2款特選就指定左係肉蟹同沙白海鮮總共有7樣，樣樣海鮮都好生猛新鮮仲有烹調指引，每款海鮮要煮幾耐，完全岩我d成日煮過龍煮到老晒既人睇，果然鍋心肉類都好新鮮，肥瘦適中，又嫩滑。多幾片就更完美。一開始既清泉，白粥水湯底煮過海鮮同配料後，店員會送上南瓜粒，芋頭粒同粟米件加入鍋內繼續煮，待所有配料食完後，南瓜同芋頭都熟透，店員便會表演海鮮粥既製作。將所有肉渣過篩，壓碎南瓜同芋頭成蓉，加入菜甫冬菜粒，便大功告成海鮮粥。經歷過歲月既蹉跎，普通粥底都變為鳳凰，有海鮮同肉味既精華係好食又真心夠飽。二百幾蚊一位又有咁多款生猛海鮮食，下次可以再幫襯。