老爹 (已結業)

裝修就係好多年前向摩登方向取態嘅裝修好似係一種高級啲嘅茶餐廳感覺。食有好多種餐揀咗個比目魚餐跟湯跟塊幾新鮮呀有啲醬法包，湯就係唔會將住個口一路狂辣嘅香辣味港式羅宋湯雜菜好重月桂味幾好。成口都係油嘅比目魚畀佢煮到盡。首先餐廳明顯有睇實我飲湯去出菜，個餐熱度應該30秒都唔夠，當然時間係非繁忙。魚，菜同埋薯條本身都唔同汁醃得好夠味， 熱到令魚油分佈喺肉中間唔滲出，食落鬆散似食雪花，魚骨都變到好好啜。但汁唔岩，佢刁草汁似開麵粉嘅加刁草忌廉湯咁，汁好食但係唔夾比目魚，唔夠宜x傢俬嗰種酸度開胃，點薯可以。菜唔水泡泡夠蒜味夠香口，薯條特幼身夠鮮夠香草味。餐茶ot無特別。