b.o.t.h. by Texas Burger

營業中

休息中

經典芝士牛肉漢堡配香脆薯條（$88）十分鐘後上枱。份量適中，牛肉漢堡咬落好實淨，有肉味但無肉汁，可能啲絞肉無肥肉；麵包鬆軟，食到有搽牛油；配料芝士、蕃茄、生菜正常，整體味道普通。薯條溫熱，十分脆口。燒粟米雞肉墨西哥煎餅配香脆薯條（$78）再十分鐘後上枱。有三片，夠熱，墨西哥煎餅微脆，餡料唔多，中間好多空位，粟米食唔出係燒過（可能係我誤會，喺燒“嘅”粟米雞肉墨西哥煎餅，並唔係“燒粟米”），雞肉粒正常，少量芝士，另外有蕃茄蓉自行添加，整體味道普通。薯條微溫，另一碟好食啲。Hot Americano，聞落好香，飲落微苦，加奶後順滑啲。Cold Americano，微苦。用餐體驗：環境舒適，樓底高，坐窗旁更開揚，裝修骨子。食物質素一般。用餐時限90分鐘。另收加一服務費。