御品·千之味 (振萬廣場)

營業中

休息中

此店是新開觀塘分店，同事們約埋一齊去試新野。我係第一次去食，款式都多選擇，我叫左個定食刺身飯配烏冬，跟沙律同飲品。刺身尚算新鮮，烏冬都有彈性，但沙律就比較乾無咩醬汁，可能忘記左落醬汁掛。同事就叫左個燒牛肉飯定食，啲牛肉燒到好韌，我地以為係燒得太熟啦，但係啲牛肉好生下喎，仲漏出血水添。我地立刻通知店長，服務態度都好好，仲立即替我們更換一份新的燒牛肉。新送來的燒牛肉這次無咩血水，但牛肉中間都仲食紅當當，感覺好生，食落都係好韌囉！店長話廚房師父解釋，將燒牛肉四面辣熟，至7成左右熟，所以中間係粉紅色，而不是太生出血水。但我地始終都覺得好韌，可能係烹調手法方面嘅問題，最後都係食左兩件就放棄左。