海記合桃坊甜品 (已結業)

近來真係好興食芋圓，無端端出現呢個芋圓潮。再加上一個紫薯潮，又係雜誌介紹，所以到此一試。我叫左西米露。放低嗰陣真係O左嘴，同張相都相差太遠掛……因為我見其他人有個圓形紫薯球喺中間架。用枝羹搞勻之後……哦…原來沉左底啫，係真係一個球喺啲西米露下面嘅。但我覺得真係好麻麻，糖水好啖，未整勻嗰陣有少少甜。但當我搞勻左之後，糖水真係好啖好啖，超少甜，如果甜返少少就正喇。芋圓方面，又唔係話勁好食呀點樣。送黎嗰陣，表面睇落好少芋圓，但其實係沉左喺底。整體上，我唔會話好特別又或者係好好食。都係好普通。如果話回頭嘅，我未必回頭喇。