陳漢記 (已結業)

得知大埔呢間舖頭嘅煲仔飯好出名，所以專程去試。六點鐘去到，門口已經見到人龍（心諗唔係啩！六點喎，咁快要排隊），既然嚟到，都要排隊。排咗二十分鐘左右，侍應同我哋講最快要等到七點鐘左右才可入座；如果要食煲仔飯，入咗落單後都要等45分鐘！OMG.... 唔係瓜！都已經排咗咁耐, 唔通走咩，都要排㗎。等到七點終於可以入座。入座後第一時間落單（包括鳯爪排骨飯和北菇雞飯）結果等多45分鐘兩煲飯才到。見到兩煲飯，賣相好普通；而味道不是不好食，但係咁嘅質素，好多地方都食到。唔需要等兩個鐘囉。食完呢餐飯，覺得自己浪費咗好多時間。