港味

營業中

休息中

和中學同學聚餐有6個人，所以隨意選了大本營的呢間C類餐廳貪佢有圓枱坐埋一齊食晚飯。簡單叫咗幾個餸，點菜的阿姐幾風趣幽默，同我哋有講有笑幾好傾。半隻燒鵝，不過不失，燒鵝較細隻，偏瘦。蒜茸豆苗，味道都係普通。其實上枱前可以擺得靚小小嘅，唔好好似打風咁。蒜蓉蒸馬友，呢個好味，係用一夜情鹹鮮馬友，肉質鮮美，但條魚略嫌細條。梅菜扣肉，味道不錯，但都係打風咁，其實擺落個煲仔都可以排得靚少少。大多數的扣肉都係肥瘦相間，但有1-2塊係差不多全塊肥豬肉，扣分。小炒皇，不合格，主要係韭菜花不夠嫩，食落有渣，影響口感，其他配料冇問題。薑蔥焗蠔，呢個值得讚，足足有成七隻蠔，size大，同埋焗得乾身，蠔味濃。不過不失的一餐，價錢不貴，食物質素亦普普通通。