影片
更多
2023-05-07
2763 瀏覽
細佬考到兩隻大牌車牌，老媽子要請食飯， 細佬想試2020年末才開業的東涌喜來登嘅餐廳嶼坊，反正未試過，也好！地鐵站有shuttle 去酒店，好似半小時一班，我哋搭到11:30嗰班，11:40 去到，上去登記，派咗張籌，叫我哋落去下邊lobby等等，原來呢度叫東涌世茂喜來登，隔離仲有間東涌Four points 中文叫做福朋喜來登，個名咁搞笑嘅，仲以為返咗大陸！下次都係去返尖沙咀。樓下有商場，有subway? 都唔敢行太遠，一陣便上返去，安排坐咗入邊，個位都幾開陽，景觀樓底幾濶，望到映灣園，個場都幾大，座位之間有足夠空間，唔會太逼夾，呢個我鍾意。第一轉捧咗大碟長腳蟹、兩隻生蠔，仲有沙律前菜，長腳蟹好咸，真係第一次食buffet食長腳蟹第一轉已經咁咸，通常係食第二轉先俾啲次貨，先會係鹹嘅，好少第一轉已經咁差，真係有啲失望，好彩啲肉都新鮮，唔係霉嘅，拆到1:00 先食完，拆蟹拆咗成個鐘！生蠔係即開，食得放心，食咗半打！有粉麵，但冇食，阿媽最後都食咗碗米粉，話啲米粉好食，但啲冬菇就淥得唔夠熟，有啲草青味！老公都攞咗啲燉湯俾媽子，係蟲草花，媽子飲兩碗，我都飲咗碗，飲吓湯都幾好！生果屋企人食西瓜、
地鐵站有shuttle 去酒店，好似半小時一班，我哋搭到11:30嗰班，11:40 去到，上去登記，派咗張籌，叫我哋落去下邊lobby等等，原來呢度叫東涌世茂喜來登，隔離仲有間東涌Four points 中文叫做福朋喜來登，個名咁搞笑嘅，仲以為返咗大陸！下次都係去返尖沙咀。樓下有商場，有subway? 都唔敢行太遠，一陣便上返去，安排坐咗入邊，個位都幾開陽，景觀樓底幾濶，望到映灣園，個場都幾大，座位之間有足夠空間，唔會太逼夾，呢個我鍾意。
第一轉捧咗大碟長腳蟹、兩隻生蠔，仲有沙律前菜，長腳蟹好咸，真係第一次食buffet食長腳蟹第一轉已經咁咸，通常係食第二轉先俾啲次貨，先會係鹹嘅，好少第一轉已經咁差，真係有啲失望，好彩啲肉都新鮮，唔係霉嘅，拆到1:00 先食完，拆蟹拆咗成個鐘！生蠔係即開，食得放心，食咗半打！
有粉麵，但冇食，阿媽最後都食咗碗米粉，話啲米粉好食，但啲冬菇就淥得唔夠熟，有啲草青味！老公都攞咗啲燉湯俾媽子，係蟲草花，媽子飲兩碗，我都飲咗碗，飲吓湯都幾好！
生果屋企人食西瓜、蜜瓜都話唔甜，唔啱季節吧，要七月先夠甜，我只揀深色嗰啲菠蘿，ok，都食咗唔少！
雪糕係Häagen-Dazs有六款，我揀咗士多啤梨同朱古力，第二轉叫咗兩球士多啤梨，Häagen-Dazs有保証。
甜品都OK，taramisu同埋芝士都唔錯，個女話Oreo同埋木糠布甸嗰隻唔好食，阿媽話Oreo ok，但木糠就真係太甜。
張貼
