豊勝手丼 (已結業)

難得黎銅鑼灣行街，想食日本野就黎豊勝手丼🍱🍣1. 蟹甲羅燒 $108 滿滿嘅蟹膏真係令人垂涎三尺🤤，蟹膏配合埋嘅蟹肉絲同埋蟹籽，一啖落去，三者嘅結合，真係甘甜鮮香、回味無窮🥰🥰2. 豐盛壽司盛合 $238一次過食到12款唔同嘅壽司🍣，真係幸福感爆棚😍。海膽綿密嘅顆粒感，入口即化。星鰻壽司比手掌仲長，食落去香嫩軟口。魷魚壽司爽口彈牙。每款壽司都食得出好新鮮，口感豐富。3. 廚師發辦丼 $278帶子真係夠曬大粒，肥美軟滑👍🏼 吞拿魚都新鮮味美，鮑魚口感爽脆。每食一啖都感覺到好滿足，每一件魚生都厚切又鮮美，入口醇香，貨真價實🤩🤩 4. 天婦羅沙律 $78天婦羅炸蝦、魷魚肉質鮮嫩、香酥軟糯。南瓜就甘甜可口。再配合沙律菜同埋番茄仔感覺好開胃😌5. 白桃蘇打 $36 ➕蘋果蘇打 $36兩杯味道都好清爽可口，但我比較鍾意蘋果蘇打嘅酸酸甜甜總括而言，呢間嘅食物質素都非常唔錯，值得一試。