嚥宮

營業中

休息中

現時過海唔係咁方便，唯有係香港區諗下有咩好食，近近地揸車到西環，泊底架車係堅尼地城海旁公園，再慢慢周圍行下，西環呢頭真係好少黎，都唔係好知有咩好食，眼見附近係多左好多間西餐廳，半開放式既，可以比人帶埋狗狗黎，又或者可以食煙都得，係好疏肝既，尤其係海旁一帶，零舍有FEEL。我同老公都無咩特別要求，只要環境乾淨，坐得舒服又唔好太嘈就可以，而我地今晚都唔想食西餐，所以行左幾條街就行左入厚和街，就見到呢間「嚥宮點心雞煲專門店」，見到門口貼住有晚飯兩人套餐（得一款），又係最普通既家常菜式，就即刻入去。我想講，其實唔係個個都鍾意有選擇、亦唔係個個都鍾意多選擇，得一個選擇，都可以令人好安心，因為唔駛人地煩惱點去揀，而啲菜式又係最大路、最令人安心既屋企款式。坐底即落單，二人套餐$198，兩個湯（花生雞腳赤小豆）、粉絲什菜煲、鼓汁蒸排骨、梅菜蒸鯇魚、兩個白飯。首先個湯足料又好飲，粉絲什菜煲個菜湯仲好飲，有粉絲及三款菜（生菜、菜芯同白菜仔），份量堅多，堅好食但食唔哂；鼓汁蒸排骨又係足料，味道適中，豬肉幾淋身，有少少肥肉黏住，所以幾香口，食清；梅菜蒸鯇魚啲魚肉好滑，夾埋梅菜一齊食美味，又係食清！眼見樓面兩個