Al Dente (已結業)

本來係去另一間！但因為滿座！朋友話呢間都唔錯！就試佢啦！入到去叫左個兩人餐！唔錯既選擇！頭盤選左兩樣野，青口同埋焗菇！焗青口辣辣地，入面有椒類/大量芝士！味道好夾！青口勁甜！沙律菜好青甜！可以落少少醋就好喇！焗菇個面有蕃茄同紅椒，仲有沙律菜！呢個好清新！食完青口可以清一清味蕾！仲有幾塊麵包，可以點油同醋（其實個包黎先，食完才黎頭盤...就係咁收走左我個醋 😭）主菜叫左 大蝦西冷，塊西冷好正！岩岩好！好香好濃牛味！大蝦都唔錯彈牙既！配菜有燒南瓜/紅椒/青椒/西蘭花另一個主菜叫左煎魚，個魚好鮮甜！雖然唔知係乜野魚！但佢功夫不少！皮係脆既肉係滑既！冇老 👍🏻 配牛油汁好夾！甜品黎喇！好驚喜既提拉米蘇！個底用香蕉！酒味夠！個雪糕係雲尼拿 👍🏻👍🏻👍🏻最後用凍檸茶埋尾！好很飽！個價抵食 👍🏻👍🏻👍🏻👍🏻