一坐低店員就送上精美刺身拼盤，三文魚、三文魚腩、帆立貝、牡丹蝦、希靈魚、泰式生蝦、北寄貝等，品種多到數唔晒！三文魚腩油脂豐富，入口溶化；帆立貝厚身鮮甜；牡丹蝦超級彈牙，泰式生蝦辣辣地好開胃，全部都好新鮮，食完唔夠可以再encore，店員落單好快手👍。呢度刺身質素高，完全冇雪味，回本感十足💯。
燒肉方面都好有驚喜！A4和牛、安格斯牛肩胛、豚肉、雞肉、蔬菜一應俱全。澳洲M8和牛，油脂豐富，入口軟腍牛味濃郁；安格斯牛肩胛肉質緊致有彈性，燒到微焦香氣十足🔥。燒烤爐加咗牛油紙，唔怕黐底，店員定時換爐紙，服務貼心又細心👏。
火鍋都一樣係任食！美國牛肉切片厚薄適中，五花豚肥瘦均勻，墨魚仔、多春魚、芝士腸、雞軟骨、蔬菜等應有盡有，可以邊燒邊打邊爐，食法多元化，啱晒鍾意試新嘢嘅朋友🤤。
炸物方面都係水準之作，推介炸榴櫣丸，一咬落去即爆汁，海老天婦羅酥脆熱辣，雞軟骨加炸蒜好惹味，唐揚炸雞，肉質juicy。壽司手卷都有幾款，帆立貝壽司、軟殼蟹手卷、三文魚籽杯全部都好新鮮，壽司飯細細件，唔會太飽滯。
飲品方面，汽水、啤酒、果汁、茶任飲🥤🍺，甜品有雪糕雪條、啫喱布甸、蛋糕仔，選擇多，食完正餐都可以滿足甜品胃🍦🍮。
總結：$319免加一，刺身、燒肉、火鍋、泰菜任食，食物款式多元、質素有驚喜，服務又好，環境舒服，性價比極高。旺角放題新選擇，值得推介！如果想同朋友輕鬆聚餐，食到飽又唔傷荷包，「極上帝王水產」絕對係心水之選！🌟
