時新快餐店 (已結業)

之前成日食野, 但一路都冇寫食評. 今日終於都有時間去試下寫.第一篇我會寫時新先, 因為佢既漢堡真食令我回味, 成日好想去食. 但有時太夜番或者有時佢冇開, 所以唔係成日食到.如果你早去, 就唔駛排得太奈, 我試過有時夜晚去要排十幾個位!!! 大門口真係十年如一日冇變過. 你等既時候最慘既唔係要等, 係要係出門既玻璃窗望住入面既客人食. 去到我叫左個芝士漢堡加旦, 記住, 一定要加旦, 唔加旦就冇左果種口慼. 芝士漢堡有好多種漿汁, 你冇特別要求, 佢就會比原味你, 我都過食咖哩味, 但感覺完全唔一樣, 大家都可以試一下.漢堡同旦都係即整, 囉到上手放入口都仲係熱既, 堂食同外賣既分別就係外賣食唔到即整熱辣辣既感覺. 同外賣番到去d汁已經有一半去左一邊了. 堂食食果時係連塊漢堡都係脆脆地. 一咬落去d汁會走哂出黎. 如果你用手食, 我建議你用佢果塊餐紙包住食. 咁樣會乾淨好多.其實, 時新唔只有漢堡包, 仲有好多客飯, 我都有試過雞比, 雞比都ok, 但漢堡包真係好好食.