川味香

營業中

休息中

第一次寫食評，呢間野食過一兩次外賣，味道係唔差，咁外賣食時有點涼凍亦都唔出奇。今次食堂食，舖内典型細舖得兩三張枱迫迫夾都預左。點咗食物之後。第一樣上菜是娃娃菜串，幾片菜裡裡外外都係凍，初頭以為佢唔記起菜而蔬菜比較薄易吹凍，之後上多幾款肉串，都係凍嘅或者只係微暖，直到上魷魚筒同大蝦串，魷魚係凍㗎一咬一口油，而蝦都只係微暖都係油立立，而男朋友話聽到廚房發出幾次食物落油鍋的聲音，我哋諗如果串物燒完即拎出來沒理由會凍，估計啲串物係油炸完放置瀝乾油先上菜，所以啲食物又凍又油。一路食有其他食客枱點完菜無耐就會聽到食物落油鑊嘅聲，整個用餐時間起碼聽到10次8次油炸聲。一間串燒專門店邊有咁多嘢炸。所以佢應該係一間油炸串店。嬲到冇影相。