影片
更多
2020-07-04
38 瀏覽
我發現自己都幾鍾情於港式嘅冰室或者茶餐廳 揉合本地文化 提供多種本地風味美食 一個人唔知食乜好 最好就係光顧小店雖然店舖細細 但係提供嘅食物款式一啲都唔少 疫情之下 每張枱與枱之間都有屏風相隔 安全衛生意識非常高 食客入坐之前都需要量度體溫星期一至星期六晚市餐牌 日日款式唔同 絕對可以比到新鮮感食客 尤其是喺附近返工嘅打工仔 或者 無飯家庭 日日食同樣嘅嘢真係會悶㗎另外仲有晚飯小菜餐牌 有多款鑊氣小炒 家常 小菜提供 仲要價錢非常大眾化 平民價 超抵食香港嘅冰室 飲品方面是非常特別的 除咗一般奶茶/咖啡之外 仲會有特色飲品提供 充滿香港女情懷嘅雜果賓治/椰汁紅豆冰……都係一眾香港人嘅回憶今日星期五 揀咗豉汁蒸黃立倉$62條黃立倉好新鮮 食開魚嘅我就知道 魚皮光澤有彈性 蒸嘅時間剛剛好 魚肉非常嫩滑 豆豉醬味道鹹香惹味 加埋豉油熟油 確實係完美嘅配搭黃立倉沒有太多細骨 基本上啖啖肉 而且魚脂味濃 下飯一流一個人食曬一條魚 真係好鬼滿足 喺呢到食飯覺得有種家嘅感覺 是家的味道oreo特濃阿華田 好好味呀 上面鋪滿咗粒粒oreo 有啲餅碎咬下 質感比一般阿華田更豐富可惜下午茶時間已過 好想
我發現自己都幾鍾情於港式嘅冰室或者茶餐廳
揉合本地文化 提供多種本地風味美食 一個人唔知食乜好 最好就係光顧小店
雖然店舖細細 但係提供嘅食物款式一啲都唔少 疫情之下 每張枱與枱之間都有屏風相隔 安全衛生意識非常高 食客入坐之前都需要量度體溫
星期一至星期六晚市餐牌 日日款式唔同 絕對可以比到新鮮感食客 尤其是喺附近返工嘅打工仔 或者 無飯家庭 日日食同樣嘅嘢真係會悶㗎
另外仲有晚飯小菜餐牌 有多款鑊氣小炒 家常 小菜提供 仲要價錢非常大眾化 平民價 超抵食
香港嘅冰室 飲品方面是非常特別的 除咗一般奶茶/咖啡之外 仲會有特色飲品提供 充滿香港女情懷嘅雜果賓治/椰汁紅豆冰……都係一眾香港人嘅回憶
今日星期五 揀咗豉汁蒸黃立倉$62
條黃立倉好新鮮 食開魚嘅我就知道 魚皮光澤有彈性 蒸嘅時間剛剛好 魚肉非常嫩滑 豆豉醬味道鹹香惹味 加埋豉油熟油 確實係完美嘅配搭
黃立倉沒有太多細骨 基本上啖啖肉 而且魚脂味濃 下飯一流
一個人食曬一條魚 真係好鬼滿足 喺呢到食飯覺得有種家嘅感覺 是家的味道
oreo特濃阿華田 好好味呀 上面鋪滿咗粒粒oreo 有啲餅碎咬下 質感比一般阿華田更豐富
可惜下午茶時間已過 好想試佢個冰火菠蘿油 下次必定再來光顧 感受到冰室用心製作美食和飲品 以及小店經營的那份熱情
張貼
