是但求其食

營業中

休息中

今日又做孤獨的美食家，中午放飯係元朗搵食，行下水邊圍呢邊睇下食乜，見到呢間小店店名幾得意，叫是但求其食，主打西餐既，門口睇下午餐餐牌都唔算貴，咁就試下啦。餐湯點完餐先黎個餐湯，係粟米忌廉湯，夠熱調味都唔錯，口感唔會好稀。土耳其烤雞卷今日唔係太肚餓，就點個烤雞卷食下，先講講個雞卷唔熱，偏凍少少，餅皮都較淋身,雞肉生菜蕃茄都ok，醬汁帶點酸味又幾開胃，味道係唔錯係唔夠熱，另外有跟薯條，呢個餐牌無寫，薯條加左粉炸新鮮熱，幾香脆。金蛋雞翼加20蚊跟小食，金蛋即鹹蛋黃，唔太入味，雞翼都有少許雪味，麻麻地。呢餐黎講我覺得普通，有改善空間，差又未算，餐廳環境都算幾舒服，坐位不多。