地點：尖沙咀樂道
菜式：台式飲品店
餐牌：原茶系列、紅豆系列、芝士瑪奇朵系列、鮮果系列、鮮奶系列、甘蔗系列、古早味系列。有中有大兩個size，可加配料。大size飲品真係大大杯，等左3分鐘都唔洗。飲管獨立包裝自己攞。
4
珍珠鮮奶茶 大 $32
珍珠鮮奶茶底層有好多黑糖珍珠，我將成支飲品上下倒轉搞混先飲，奶茶好滑溜而黑糖珍珠好有咬口。叫左少甜同少冰，我就覺得甜度係剛剛好。
覆盆子烏龍 大 $30
覆盆子烏龍既覆盆子味道好濃，而烏龍茶就較爲淡，我覺得係我鍾意既濃淡度，叫左少甜同少冰，我都覺得甜度係剛剛好，好似果汁多過似茶，但係甜得黎有帶微微茶香。
總括而言，兩杯都好飲，效率非常高，等左兩分鐘就有。By the way，食牛品嘅晚市牛御品套餐會送春陽茶事嘅嘢飲。
