影片
更多
2024-12-22
1014 瀏覽
-灣仔星街街道寧靜，同時聚集左唔少高質嘅西餐廳💫今次介紹呢間西餐廳，燈光柔和，裝潢帶輕工業風，好適合節日慶祝🥳環境開揚，近窗口位置嘅座位仲有暖爐。各款菜式都採用傳統意大利煮法，店員態度友善，用心介紹菜式。🍞Bread Basket兩款不同麵包，提子乾合桃包同蕃茄味包，都經過烤焗，香脆可口。而且非常熱辣辣，愛麵包嘅朋友一定非常中意食，再配上帶黑松露味嘅面包醬，回味無窮啊！😋🐮Roman Meatballs 經典做法，100%牛肉嘅自家制肉丸，令肉丸牛味夠重而不油膩。底下配上濃郁酸甜蕃茄汁🍅令肉丸更加濕潤，味道變得豐富。最後鋪上一塊半溶嘅巴馬臣芝士同灑上少少黑椒，顏色鮮豔，令人食慾大開。蕃茄汁，肉丸，帶黑椒嘅芝士一同放入口中，濃郁嘅風味在口中擴散，超級正啊！🤩🐚Sauteed Clams🐷嘅飛佛就係蜆，一上枱已吸引左🐷嘅眼睛。蜆肉清甜嫩滑而無沙，再配合濃厚嘅白酒蜆汁，淡淡嘅白酒香和濃郁的蜆味，令人回味無窮🤭鮮豔嘅車厘茄和深綠色嘅番茜豐富左菜餚的顏色，亦都為濃郁嘅蜆汁帶來清爽嘅氣色。不得不提，餐廳對食物嘅重視，配菜嘅麵包經過烤焗，上枱亦能保持鬆脆口感同溫度，非常出色。🥚Alonzo`s Ca
灣仔星街街道寧靜，同時聚集左唔少高質嘅西餐廳💫今次介紹呢間西餐廳，燈光柔和，裝潢帶輕工業風，好適合節日慶祝🥳環境開揚，近窗口位置嘅座位仲有暖爐。各款菜式都採用傳統意大利煮法，店員態度友善，用心介紹菜式。
🍞Bread Basket
兩款不同麵包，提子乾合桃包同蕃茄味包，都經過烤焗，香脆可口。而且非常熱辣辣，愛麵包嘅朋友一定非常中意食，再配上帶黑松露味嘅面包醬，回味無窮啊！😋
🐮Roman Meatballs
經典做法，100%牛肉嘅自家制肉丸，令肉丸牛味夠重而不油膩。底下配上濃郁酸甜蕃茄汁🍅令肉丸更加濕潤，味道變得豐富。最後鋪上一塊半溶嘅巴馬臣芝士同灑上少少黑椒，顏色鮮豔，令人食慾大開。蕃茄汁，肉丸，帶黑椒嘅芝士一同放入口中，濃郁嘅風味在口中擴散，超級正啊！🤩
🐚Sauteed Clams
🐷嘅飛佛就係蜆，一上枱已吸引左🐷嘅眼睛。蜆肉清甜嫩滑而無沙，再配合濃厚嘅白酒蜆汁，淡淡嘅白酒香和濃郁的蜆味，令人回味無窮🤭鮮豔嘅車厘茄和深綠色嘅番茜豐富左菜餚的顏色，亦都為濃郁嘅蜆汁帶來清爽嘅氣色。不得不提，餐廳對食物嘅重視，配菜嘅麵包經過烤焗，上枱亦能保持鬆脆口感同溫度，非常出色。
🥚Alonzo`s Carbonara
意大利傳統做法嘅卡邦尼意粉，可以睇得出廚師對食物嘅重視🫡普遍會選用非歐洲雞蛋烹煮，但餐廳就用左意大利雞蛋做材料。意大利對雞蛋品質嘅要求非常嚴謹。每一粒雞蛋都有身份證編號，顯示佢嘅生產資訊和品質等級。在意大利嘅嚴格質量監管下，粒粒雞蛋都係精英，所以令餐廳的卡邦尼意粉蛋味明顯濃郁👍🏻
配上煎香嘅風乾豬面頰肉，醬汁的蛋香和豬油香嘅香氣在口中久久不散。值得一提，餐廳選用的意粉都不是普遍餐廳選用的意粉，口感比較al dente。
🌶`NDUJJA Salami Spirolatti
千奇唔好以為餐廳只係會煮傳統嘅意粉啊，用莎樂美腸做汁嘅意粉，🐷都未試過。將濃味嘅莎樂美腸加上風味清淡茅屋芝士用攪拌機打成汁，令莎樂美腸汁非常濃厚，味道帶輕微辣味，而芝士令醬汁乳化🧀口感非常溫柔可口。最聰明係選用螺絲粉做主食，可以有較多嘅汁滲入螺絲粉，口腔不斷受莎樂美腸汁嘅衝擊，令人忍不住一啖接一啖🥰
🍮Alonzo`s Signature Tiramisu
寶物沉歸底，估唔到甜品嘅Tiramisu 係令本🐷最驚喜。眼似平平無奇嘅Tiramisu，廚師將心思無放係外型度，反而放係內涵上。普遍Tiramisu味道都比較膩和過甜，但Alonzo 嘅 Tiramisu 用重咖啡酒覆蓋左膩嘅感覺☕️而且出奇地甜度適中。加上每一啖都會有淡淡嘅蛋香和酒香，口感和味道非常舒服，係本🐷食過最最好食嘅Tiramisu，強推啊！！！😍
🍋Limoncello
一杯檸檬味偏重嘅甜品酒，出奇地並無酸味，酒味頗重，適合鍾意酒味重嘅朋友。
張貼
