順譽滷味大王

營業中

休息中

去土瓜灣探朋友，佢話附近新開咗一間順譽滷味大王，係曾獲米芝蓮嘅廚師主理，用料上乘，使用獨家秘方滷製食材，食物質素和味道都係一流。廚窗內放置不同滷味，油亮剔透，令人垂涎欲滴。餐廳最近做緊優惠，外賣九折，堂食亦有特價套餐。聖誕二人特惠套餐B鵝肉雙拼：鵝肉片片厚薄適中，肉質鮮嫩，滷汁滲透鵝肉香氣十足，味道濃郁而不過鹹。大墨魚爽口彈牙，仲有豆腐墊底，浸在滷汁中的豆腐非常嫩滑味。潮州蠔仔粥：粥內的材料非常豐富， 有粒粒飽滿的蠔仔、魷魚、方魚、肉碎、芫荽和葱粒，各種配料比例均衡，能帶出粥的鮮甜味道和不同的口感。韭菜豬紅：豬紅份量好足，口感爽滑鮮嫩，醬汁香濃惹味，韭菜亦青綠，掛上醬汁好好味！送酸薑皮蛋：醃得酸甜適中的子薑，爽脆無渣，配上泛起溏心的皮蛋；一滑一爽，一酸一鹼，以醋酸味去掉皮蛋的灰澀味，互相中和，真是天作之合。