村爺爺車仔麵

營業中

休息中

今日去開油麻地都唔知食乜好，同其他人一樣去open rice 睇吓有乜好介紹，搵到呢間村爺爺車仔麵，初初以為普通嘢⋯⋯點知去到，竟然見到有條長長的人龍，本想離開，但諗諗吓，咁多人等應該都係好食先會有咁多人等，唔趕時間嘅我就繼續排落去。無放棄。好快到我哋啦，入到去原來都幾好坐，門口接待客人嗰位靚女都好有禮親切，坐低叫咗個雞件魚腩雜菌泡飯，白飯是分開的，呢個好好，我選擇了蟲草花雞湯底，門口個𡃁女推介，第一啖飲就已經覺得好甜，雞件好嫩滑，鯇魚腩都好新鮮，類菌主要係秀珍姑，金姑，整體份量好夠，白飯一大碗，我都食唔晒，下次要叫小飯，下次會再去幫襯，不過，美中不足係餐牌都寫得幾亂，第一去真係睇到眼花花。除此之外，堅無得彈，呢個價錢已經算係對得住食客，抵讚㗎。