影片
更多
2009-06-23
53 瀏覽
好耐都無同大家分享過我食過啲咩嘢啦~話說自從有咗迪士尼特惠全年入場證之後,一得閒或者有朋友/屋企人入迪士尼玩嘅話,只要係一至五又唔係公眾假期都會叫埋我哋(我同我屋企人)去,所以琴日又入咗去玩~玩到咁上吓,當講緊去邊度食晚飯嗰陣,我姨丈話香港迪士尼酒店間晶荷軒唔錯,咁我哋就決定今晚唔睇煙花,玩到七點九到就搭車過去香港迪士尼酒店度食飯~點解叫星級平民菜呢咁?因為佢個格局同價錢係五星級,但係啲服務同菜式就係平民級...好在全年通行證食飯有八折...如果唔係真係要諗吓...不過,佢哋啲用料唔錯!但係,啲味道都幾重手吓!嗰晚食咗:南瓜焗蟹蓋-成晚最好味係佢,勁足料!京醬蔥爆鴨片-同蔥爆牛/羊肉差唔多(少少辣,甜甜哋)...枝竹涼瓜炒牛柳-推介第三位,雖然佢好普通,但係啲涼瓜唔苦,牛肉好味,枝竹炸過脆口同埋痴到好多汁!叉子燒餅配炒肉鬆-同一般無大分別桂花梨香酥脆肉-一個唔用波蘿同用變種糖醋汁嘅咕咾肉...麒麟素豆腐-全素,連火腿都係~雞絲波菜撈麵-勁鹹...麻油味勁重...勁似出前一丁...陳皮燉梨-特別之選,用話梅同陳皮去燉,但係我覺得似中式版嘅紅酒燴梨...香芒奶黃糯米卷-好食但無驚喜~流沙湯
話說自從有咗迪士尼特惠全年入場證之後,
一得閒或者有朋友/屋企人入迪士尼玩嘅話,
只要係一至五又唔係公眾假期都會叫埋我哋(我同我屋企人)去,
所以琴日又入咗去玩~
玩到咁上吓,
當講緊去邊度食晚飯嗰陣,
我姨丈話香港迪士尼酒店間晶荷軒唔錯,
咁我哋就決定今晚唔睇煙花,
玩到七點九到就搭車過去香港迪士尼酒店度食飯~
點解叫星級平民菜呢咁?
因為佢個格局同價錢係五星級,
但係啲服務同菜式就係平民級...
好在全年通行證食飯有八折...
如果唔係真係要諗吓...
不過,
佢哋啲用料唔錯!
但係,
啲味道都幾重手吓!
嗰晚食咗:
南瓜焗蟹蓋
-成晚最好味係佢,勁足料!
京醬蔥爆鴨片
-同蔥爆牛/羊肉差唔多(少少辣,甜甜哋)...
枝竹涼瓜炒牛柳
-推介第三位,雖然佢好普通,但係啲涼瓜唔苦,牛肉好味,枝竹炸過脆口同埋痴到好多汁!
叉子燒餅配炒肉鬆
-同一般無大分別
桂花梨香酥脆肉
-一個唔用波蘿同用變種糖醋汁嘅咕咾肉...
麒麟素豆腐
-全素,連火腿都係~
雞絲波菜撈麵
-勁鹹...麻油味勁重...勁似出前一丁...
陳皮燉梨
-特別之選,用話梅同陳皮去燉,但係我覺得似中式版嘅紅酒燴梨...
香芒奶黃糯米卷
-好食但無驚喜~
流沙湯圓
-中招之選...十五蚊一粒,但係得乒乓波咁上下大(其實仲細啲...)!
張貼
