影片
更多
2023-05-07
262 瀏覽
📍泰國大城船麵銅鑼灣謝斐道483-499號新城大廈地下G&H號舖二訪！星期日都有lunch set幾抵食，同埋唔洗加一～呢度對客嘅服務唔錯，但員工間嘅相處令人有啲唔舒服 —— 上司會喺樓面鬧下屬。1️⃣我叫嘅Lunch Set $58【泰式遊船濃湯河（豬肉丸、豬潤、肉片）轉咗鴨蛋麵】：因為係二訪，一路食一路諗點解今次好似差咗咁，原來係佢比漏咗個靈魂 —— 炸豬皮，但我食完先發現所以都冇追返。今次口感好單調，濃湯睇落好深色但其實冇乜味，但好油。配料冇乜特別，係豬潤煮得有啲鞋口。鴨蛋麵係第一次食，食落似粗啲彈牙啲嘅全蛋麵。同行屋企人係叫金邊粉，同我認知嘅金邊粉唔一樣，似芋絲。【跟餐奉送椰子雞湯】：同我認知嘅椰子雞湯唔一樣，味似冬陰功，冇乜雞味。佢嘅「椰子」唔係椰水，係椰奶。【跟餐飲品優惠 龍眼冰＋$8】：會起痰嘅甜度～2️⃣單嗌甜品 芒果白糯米飯 $68：糯米飯暖暖哋，好軟糯！上面個汁唔太甜，配埋酸酸哋嘅芒果好match。順便講下屋企人叫嘅冬陰功湯粗麵（$58）偏酸、冇乜辣味。整體而言，對得住價錢，但冇乜驚喜。如果食呢間，推薦食芒果白糯米飯、炸豬皮～
銅鑼灣謝斐道483-499號新城大廈地下G&H號舖
二訪！星期日都有lunch set幾抵食，同埋唔洗加一～呢度對客嘅服務唔錯，但員工間嘅相處令人有啲唔舒服 —— 上司會喺樓面鬧下屬。
1️⃣我叫嘅Lunch Set $58
【泰式遊船濃湯河（豬肉丸、豬潤、肉片）轉咗鴨蛋麵】：因為係二訪，一路食一路諗點解今次好似差咗咁，原來係佢比漏咗個靈魂 —— 炸豬皮，但我食完先發現所以都冇追返。今次口感好單調，濃湯睇落好深色但其實冇乜味，但好油。配料冇乜特別，係豬潤煮得有啲鞋口。鴨蛋麵係第一次食，食落似粗啲彈牙啲嘅全蛋麵。同行屋企人係叫金邊粉，同我認知嘅金邊粉唔一樣，似芋絲。
【跟餐奉送椰子雞湯】：同我認知嘅椰子雞湯唔一樣，味似冬陰功，冇乜雞味。佢嘅「椰子」唔係椰水，係椰奶。
【跟餐飲品優惠 龍眼冰＋$8】：會起痰嘅甜度～
2️⃣單嗌甜品 芒果白糯米飯 $68：糯米飯暖暖哋，好軟糯！上面個汁唔太甜，配埋酸酸哋嘅芒果好match。
順便講下屋企人叫嘅冬陰功湯粗麵（$58）偏酸、冇乜辣味。
整體而言，對得住價錢，但冇乜驚喜。如果食呢間，推薦食芒果白糯米飯、炸豬皮～
張貼
