影片
更多
2013-01-18
2068 瀏覽
現在已經很多酒店沒有提供長者優惠，難得的是這間酒店60歲以上便已界定為長者。雖然和成人價相比只差$30，但人數多條就較抵食。星期日晚上，餐廳沒有想像中熱鬧，還有兩三張「Reserved」枱，主要都是一班人，但枱與枱之間擺放有空間感，人多傾計也不算嘈吵。首先進攻的是冷盤：龍蝦仔新鮮不過偏細、烟生文魚很薄，唔夠香亦唔夠肥、瀨尿蝦及翡翠螺均很鮮甜、熟蝦及藍貝則味道一般。 其後進攻生蠔，可惜今晚只供應一款美國生蠔，這款生蠔很大隻，可惜越大隻的卻有點苦澀味反而選擇一些較細隻的更有鮮味。以配給形式每次只可取兩隻，唔需要等亦唔需要排隊。觀察所得，最受歡迎的絕對是鮮甜味美的長腳蟹，十隻八隻落肚亦是等閒事。酒店很細心的在每枱預先放上剪刀、鉗、濕紙巾，唔會食得論盡。 至於熱盤，約有8款，包括羊架、鴨、焗蠔、燒排骨、咖哩雞、青咖哩魚柳，味道及賣相均一般。 為配合1月的主題「懷舊蝦薈‧海鮮自助晚餐」，特別以蝦為主的菜餚有龍蝦仔炒飯、避風塘炒蝦、燒大頭蝦、茄汁蝦等。 較吸引的是美點雙輝 - 葡撻及叉燒酥，用暖燈照射以保持食物溫度，葡撻很香蛋味，酥皮很鬆化脆口。 芝士法飽亦是其中較特別的小吃，廚師即席用火鎗燒芝士
星期日晚上，餐廳沒有想像中熱鬧，還有兩三張「Reserved」枱，主要都是一班人，但枱與枱之間擺放有空間感，人多傾計也不算嘈吵。
首先進攻的是冷盤：龍蝦仔新鮮不過偏細、烟生文魚很薄，唔夠香亦唔夠肥、瀨尿蝦及翡翠螺均很鮮甜、熟蝦及藍貝則味道一般。
其後進攻生蠔，可惜今晚只供應一款美國生蠔，這款生蠔很大隻，可惜越大隻的卻有點苦澀味反而選擇一些較細隻的更有鮮味。以配給形式每次只可取兩隻，唔需要等亦唔需要排隊。觀察所得，最受歡迎的絕對是鮮甜味美的長腳蟹，十隻八隻落肚亦是等閒事。酒店很細心的在每枱預先放上剪刀、鉗、濕紙巾，唔會食得論盡。
至於熱盤，約有8款，包括羊架、鴨、焗蠔、燒排骨、咖哩雞、青咖哩魚柳，味道及賣相均一般。
為配合1月的主題「懷舊蝦薈‧海鮮自助晚餐」，特別以蝦為主的菜餚有龍蝦仔炒飯、避風塘炒蝦、燒大頭蝦、茄汁蝦等。
較吸引的是美點雙輝 - 葡撻及叉燒酥，用暖燈照射以保持食物溫度，葡撻很香蛋味，酥皮很鬆化脆口。
芝士法飽亦是其中較特別的小吃，廚師即席用火鎗燒芝士，看著芝士微燶，廚師會將熔化的芝士用刀刮出塗在法飽上，必須要第一時間放入口以確保香脆，否則芝士的熱力會將法飽軟化。
總括來說，收費與食物水準是成正比，惟甜品選擇及味道未算吸引。自助餐可進食至9:30，只是8:30後有很多食物已不再refill。張貼
