影片
更多
2025-05-05
0 瀏覽
星期五放工，約咗朋友去中環街市搵啲嘢食，行咗幾圈都未決定食咩，突然見到有一間餐廳門口圍住好多人，同一個外國廚師影相。行埋去睇清楚啲，原來係德州名廚 Jay McCarthy 黎咗餐廳，為佢地設計咗一個期間限定嘅 Special Menu。睇到場內都幾full，覺得不如試下，反正都想搵啲特別啲嘅嘢食。龍蝦 & 海蝦法式牛油軟包Lobster & Tiger Prawn Roll個軟包外面烘到微脆，咬落去內層鬆軟得嚟帶少少牛油香，幾好食。入面夾咗啲龍蝦同海蝦肉，又有啲青蘋果絲同紫洋蔥，醬汁啱啱好，唔會太膩，反而帶少少清新。整體都幾輕盈，唔會食完好飽，幾適合做一個開頭嘅前菜。北海道帶子海膽醬墨汁意大利麵Hokkaido Scallops Ink Spaghetti個帶子煎得啱啱好，外面有少少焦香，但入面仲好嫩滑，質感夠厚實。墨汁意粉嘅醬汁係用海膽煮成嘅，味道好濃郁，帶少少海水嘅鮮味。仲有啲飛魚籽，食落去會爆汁，幾有層次。另外，麵入面仲加咗啲青瓜絲，呢個位幾特別，食落有啲清爽嘅感覺，唔會太滯。乾式熟成美國豬柳（ special menu）Dry Aged U.S. Pork Loin乾式熟成豬
龍蝦 & 海蝦法式牛油軟包
Lobster & Tiger Prawn Roll
個軟包外面烘到微脆，咬落去內層鬆軟得嚟帶少少牛油香，幾好食。入面夾咗啲龍蝦同海蝦肉，又有啲青蘋果絲同紫洋蔥，醬汁啱啱好，唔會太膩，反而帶少少清新。整體都幾輕盈，唔會食完好飽，幾適合做一個開頭嘅前菜。
北海道帶子海膽醬墨汁意大利麵
Hokkaido Scallops Ink Spaghetti
個帶子煎得啱啱好，外面有少少焦香，但入面仲好嫩滑，質感夠厚實。墨汁意粉嘅醬汁係用海膽煮成嘅，味道好濃郁，帶少少海水嘅鮮味。仲有啲飛魚籽，食落去會爆汁，幾有層次。另外，麵入面仲加咗啲青瓜絲，呢個位幾特別，食落有啲清爽嘅感覺，唔會太滯。
乾式熟成美國豬柳（ special menu）
Dry Aged U.S. Pork Loin
乾式熟成豬柳其實幾少見，所以我都幾期待。果然冇令我失望，豬柳食落唔會乾，仲帶少少熟成咗嘅堅果香味，肉質好嫩滑。配菜有香煎馬鈴薯、蘆筍同啲多汁番茄，加埋松露忌廉汁，無論係香味定口感都好豐富。如果鍾意食肉，但係唔食牛嘅話,呢個都幾推介。
牛仔芝士餅(special menu)
Cowboy Cheesecake with Candied Pecans
芝士味幾濃但唔會太甜，拖肥雪糕甜度亦啱啱好，配埋餅底嘅脆層同糖漬核桃，滿足。最特別係有啲百蘭地糖脆，帶少少酒香，令成個甜品層次豐富啲。
CHEF’s CUTs (中環)
中環皇后大道中93號中環街市地下G01-G03號舖
張貼
