華星冰室 (信德中心)

營業中

休息中

响中環返工，搵地方食lunch，度度都勁難搵位。今日就選了呢間，好多明星夾份開的茶餐廳，華星冰室。聽個名都知同華星有dd關係啦。呢度午市有幾個推介，如果要有包飲料，就只有一個常餐。其他4款都係唔包飲品的。平時我同d同事黎食，個個都叫常餐，今日自己一個黎，就試下散叫。由於我唔係太喜歡食鴨 (除左片皮鴨) ，所以就叫了雞翼撈丁，但又怕唔飽，所以都加點一份奶醬多士 (煉奶加花生醬) ，再加杯熱華田。由於係散叫的關係，所以價錢都貴d。雞翼撈丁，d雞翼無乜雪味，都煮得幾腍，但就有d味粉直接灑左响雞翼上面，我個人就覺得麻麻地，而且d麵都係一般。奶醬多士，花生醬好多，煉奶剛剛好，但多士唔夠脆，如果焗多一會，會好食d。好正常的熱華田埋單$70，只係食呢幾樣，算係有d貴。