星點心專門店 (已結業)

今日去食新嘢，呢間由李克勤於IG推介嘅明星級點心專門店就因為咁吸引咗我哋去食，11:00am去到，已經差不多坐咗八成，咁啱最入張枱有位，就被帶入位。係搭枱嘅，無所謂啦，對面即刻有位明星，係導演兼演員林迪安先生。果然係明星級食肆。好多點心可以叫，但兩個人又食得幾多丫，所以就叫咗五個點心嘞。有鮮竹卷，叉燒腸粉，蝦餃拼潮州粉果，醬汁鳳爪，芝麻奶黃煎堆仔。唔收加一，茶位每人$5. 埋單$116. 全部嘢食都夠味，唔會好多醬汁，剛剛好，即叫即整，真心會再去一次。