餃燃串

營業中

休息中

開始要入冬季嘅衫喇，行完街之後最啱就係喺旺角道搵好嘢食，見到通菜街呢度新開咗間正野，環境裝修門面得好靚，吸引到我！ 😆話明餃子店，梗係要試吓餃子啦，我就點咗呢個火焰明太子芝士粟米餃 $48 有六隻，好大粒！煎得好香口，每一粒上面都鋪油明太子醬，入面亦都係好足餡，有好多粟米同豬肉，配埋美太子醬食，好食呀！ 另外仲嗌咗個小食同埋甜品，揀咗呢個燒茄子$36，好大條，大過我隻手掌呀🤣 上面仲鋪滿晒芝麻，蒜蓉同埋蔥，好香，又夠晒熱辣辣！ 另外再試埋佢哋嘅甜品，開心果糊 $42， 面頭好多開心果碎，開心果糊亦都係唔會偏死甜，好似感覺食多多都唔會肥😆 正呢間小店整體都幾高質，推介俾大家❤️