影片
更多
2023-06-28
719 瀏覽
炸雞選擇多 源自韓國嘅過江龍炸雞依家都有好多間 今次呢間係全港淨係得一間分店 係專門以芝士炸雞出名嘅bhc 我地睇完menu都係揀左著名嘅2人餐 入面包含嘅野都幾多！🍗Bbu-linkie Platter💰338套餐含有一份芝士粉炸雞 一份沙律 芝士波+芝士薯條同埋2杯野飲 真不愧為芝士盛宴🥵沙律望落好大份 用料中等 唔係特別新鮮但係又冇D特別差嘅菜 用料比較清新 除左紫椰菜 生菜 仲有橙 提子乾同埋核桃作點綴 柚子汁嘅清香拯救左深陷芝士瀑布嘅我地 不過可能因為紫椰菜加上柚子有D偏苦🥲本身嗌左甜辣醬炸雞 不過可能由於太多客人太忙店員都係俾左我地芝士粉個隻 2人份來講份量都算多 有7-8隻有骨炸雞 面頭嘅炸衣呈金黃色 有一粒粒嘅芝士碎 間中仲有D青綠色嘅點綴 旁邊有一兜酸奶醬 可能係用來解膩🤣炸雞外皮點完清甜嘅酸奶醬注意力去曬酸奶度 再講雞肉本身 炸衣唔厚 勝在熱辣辣完全唔覺得油膩 咬開就係熱騰騰冒汁水嘅雞肉 雞肉嫩滑 食落真係要特別小心再爆汁 入面應該有醃過所以就算係脫離左芝士粉嘅部分都味道十足！芝士波淨係得2粒但係芝士薯條就超多 芝士波有D出乎意料 唔係我想象中鹹膩嘅水牛芝士 反而有
炸雞選擇多 源自韓國嘅過江龍炸雞依家都有好多間 今次呢間係全港淨係得一間分店 係專門以芝士炸雞出名嘅bhc 我地睇完menu都係揀左著名嘅2人餐 入面包含嘅野都幾多！
🍗Bbu-linkie Platter
💰338
套餐含有一份芝士粉炸雞 一份沙律 芝士波+芝士薯條同埋2杯野飲 真不愧為芝士盛宴🥵
沙律望落好大份 用料中等 唔係特別新鮮但係又冇D特別差嘅菜 用料比較清新 除左紫椰菜 生菜 仲有橙 提子乾同埋核桃作點綴 柚子汁嘅清香拯救左深陷芝士瀑布嘅我地 不過可能因為紫椰菜加上柚子有D偏苦🥲
本身嗌左甜辣醬炸雞 不過可能由於太多客人太忙店員都係俾左我地芝士粉個隻 2人份來講份量都算多 有7-8隻有骨炸雞 面頭嘅炸衣呈金黃色 有一粒粒嘅芝士碎 間中仲有D青綠色嘅點綴 旁邊有一兜酸奶醬 可能係用來解膩🤣炸雞外皮點完清甜嘅酸奶醬注意力去曬酸奶度 再講雞肉本身 炸衣唔厚 勝在熱辣辣完全唔覺得油膩 咬開就係熱騰騰冒汁水嘅雞肉 雞肉嫩滑 食落真係要特別小心再爆汁 入面應該有醃過所以就算係脫離左芝士粉嘅部分都味道十足！
芝士波淨係得2粒但係芝士薯條就超多 芝士波有D出乎意料 唔係我想象中鹹膩嘅水牛芝士 反而有種地瓜球嘅味道 所以係拉絲甜甜地嘅「地瓜芝士球」🤣薯條偏幼身 但係竟然都比較淋 薯蓉質感明顯 加上每條都有芝士粉嘅澆灌 鹹味更為突出 越食越停唔到口🫣
其實同想像中芝士超膩嘅口感有D出入 芝士粉反而比較清新 想睇拉絲效果呢度就冇啦 但係炸雞專門店來講side dish都唔錯！
📌 BHC (旺角)
旺角登打士街43H號登打士廣場1樓
張貼
