影片
更多
2023-06-07
1234 瀏覽
點解話係西洋棋cafe？首先一入到間cafe就有琳瑯滿目嘅棋類 連menu都係用左棋盤風格嘅綠白色 之後就不得不提下佢份量超大嘅食物同飲品啦 好似愛麗絲夢遊仙境咁 乜都大過正常份量😗裝飾都好玩味 唔係常見嘅簡約單調設計！🧇芥末洋蔥醬炸雞窩夫💰148呢度嘅炸雞窩夫係人氣單品 單睇個名已經超級邪惡 乜嘢搭配都有 其實就有兩塊大炸雞（一舊可以切開=出面嘅兩塊！）兩舊窩夫同埋一樽蜜糖 除左肉眼可見嘅蜜糖可以淋上去為窩夫增添風味之外 窩夫同炸雞本身已經被花生同芥末醬裹滿曬 又鹹又甜嘅風味令人忍唔住一啖接住一啖食😋炸雞係美式炸雞個類 雞皮存在感好高得來又唔油膩 厚厚一塊充滿著炸雞粉嘅香味 加埋糖漿更惹味 入面嘅雞肉唔單止嫩 仲要熱辣辣咬開就會流出肉汁！🥹窩夫都係厚身嘅 醬汁都好入味 不過可能浸耐左比較淋 唔係好食到窩夫本身黏身嘅口感 但係整體好味！🍝明太子櫻花蝦配青瓜絲扁意粉💰138表示同frd都係creamy愛好者 見到明太子意粉一定唔可以放過！粉嫩嘅明太子粘附係意粉上面 伴隨著橙紅色嘅一粒粒櫻花蝦 形成左一座小山峰 山峰上面仲有D翠綠嘅青瓜絲🤪係呢碟意粉入面青瓜絲真係必不可少的部分 明太子cr
點解話係西洋棋cafe？首先一入到間cafe就有琳瑯滿目嘅棋類 連menu都係用左棋盤風格嘅綠白色 之後就不得不提下佢份量超大嘅食物同飲品啦 好似愛麗絲夢遊仙境咁 乜都大過正常份量😗裝飾都好玩味 唔係常見嘅簡約單調設計！
🧇芥末洋蔥醬炸雞窩夫
💰148
呢度嘅炸雞窩夫係人氣單品 單睇個名已經超級邪惡 乜嘢搭配都有 其實就有兩塊大炸雞（一舊可以切開=出面嘅兩塊！）兩舊窩夫同埋一樽蜜糖 除左肉眼可見嘅蜜糖可以淋上去為窩夫增添風味之外 窩夫同炸雞本身已經被花生同芥末醬裹滿曬 又鹹又甜嘅風味令人忍唔住一啖接住一啖食😋
炸雞係美式炸雞個類 雞皮存在感好高得來又唔油膩 厚厚一塊充滿著炸雞粉嘅香味 加埋糖漿更惹味 入面嘅雞肉唔單止嫩 仲要熱辣辣咬開就會流出肉汁！🥹窩夫都係厚身嘅 醬汁都好入味 不過可能浸耐左比較淋 唔係好食到窩夫本身黏身嘅口感 但係整體好味！
🍝明太子櫻花蝦配青瓜絲扁意粉
💰138
表示同frd都係creamy愛好者 見到明太子意粉一定唔可以放過！粉嫩嘅明太子粘附係意粉上面 伴隨著橙紅色嘅一粒粒櫻花蝦 形成左一座小山峰 山峰上面仲有D翠綠嘅青瓜絲🤪
係呢碟意粉入面青瓜絲真係必不可少的部分 明太子cream本身會比較鹹 食耐左有小小漏 青瓜絲就係呢個時候充當左解膩的角色 不過其實明太子cream真係好夠味 質感更上一層樓！意粉都煮得好al dente 硬硬地跟著浸係奶油入面入口就剛好😗
🍰提拉米祖
💰108
非常建議有另一個甜品胃嘅人先好嗌呢隻tiramijoe！本身以為係普通用杯裝嘅size 點知同出面賣嘅4寸生日蛋糕差唔多大 仲要淨係$108😱 tiramisu用透明嘅雕花玻璃陶瓷碗裝住（好似裝蠟燭嘅兜🤣）仲有兩隻眼咁好鬼馬！
口感來講呢間tiramisu好唔錯 入口即刻feel到嘅係苦苦地嘅可可粉 下面緊接嘅就係打發完creamy嘅生蛋液 清甜地kum過左原本嘅苦澀味 下面就係濕潤嘅手指餅 但係值得一提下面有一層特別濃應該加左朱古力流心😗份量來講真係太大啦🤣
🍧青蘋果沙冰
💰48
雖然呢度特色係朱古力等 但係由於天氣太熱嘅關係 沙冰先係飲品嘅top1！呢度有唔同口味選擇 我地就揀左睇落最解渴嘅兩隻味 一貫佢嘅風格 大到好似飲生啤咁 上面插左半個切開嘅青蘋果本果 下面嘅泡沫除左係冰都仲有青蘋果果泡！雖然冰融化左但係都唔會淨返糖水 因為仲有好多類似水果嘅泡沫😋
🍧檸檬茶沙冰
💰48
檸檬沙冰未見過 檸檬茶沙冰更加未見過 呢度以港式檸檬茶作沙冰底 整體都係檸檬茶嘅啡色 冰沙嘅部分比較淡 下面就有好多檸檬皮同泡沫 雖然口感比較奇怪但係都相當解渴 呢個對比青蘋果會冇咁甜！
整體來講呢度野食大部分都好吸引 除左常見嘅cafe菜式都有D比較邪惡嘅選擇 最緊要係份量同質素都好高 味道一流！好適合約會同frd聚會等🤪
📌 二世祖 (大角咀)
大角咀福全街18號地舖
張貼
