泰屋

營業中

休息中

呢間位於旺角彌敦道726號嘅泰國菜，每次食完都好滿足，價錢親民、份量OK，最緊要係嘢食味道正宗😋😋。🌶️酸辣鳳爪$82開胃必點嘅前菜，鳳爪都幾新鮮，鳳爪份量雖然唔算好多，但味道真係好正宗，蘿蔔絲東東東東東東🥕同洋蔥絲🧅都好入味，每次食都覺得太辣，今次個辣到啱啱好😚😚🐔海南雞（半隻）$138雞肉好嫩滑，外層嘅皮好薄一啲都唔肥。🍤炸蝦餅 $88蝦餅口感好紮實彈牙，即點即炸，入口外層好酥脆。係我熱愛嘅菜式之一。泰式湯粉$55揀咗墨魚丸配薯粉，以為係好普通嘅粉面，點知好有驚喜🤫，墨魚丸口感好彈牙，入面有好多墨魚粒，薯粉晶瑩剔透，口感好煙靭。