紅島冰廳

營業中

休息中

今日陪大佬去旺角信和睇game同模型，行到勁攰，又係覓食好時候，就近揀左間乾淨企理的茶餐廳。入到去，店員叫我地落一層，我都呆一呆，問多次：點落下一層🤨？估唔到茶餐廳大到分兩層！ ⦁常餐 - 沙嗲牛肉公仔麵 $55本身個餐包埋火腿奄列同丹麥多士🍞，份量都幾大。沙嗲汁偏濃稠，仲食到花生醬的味道，牛肉肉質軟滑，容易入口。另外，切開奄列見到入面仲滲有蛋液，好juicy！ ⦁馬來咖喱脆皮雞扒 $72咖哩汁微微的辣，偏重椰味🥥，而雞扒半煎炸，雞皮超脆，肉質偏實，好有飽腹感。 ⦁阿華田脆脆西多士 $36西多士堆成小山，外面淋上煉奶，並撒上阿華田脆脆。簡直是邪惡首選！ ⦁菠蘿油 $13餐廳非常貼心，熱騰騰的菠蘿包同冷凍的牛油🧈分開上之餘，牛油仲要係冰鎮！太邪惡了！😍 ⦁紅豆冰（跟餐）$9⦁雜果賓治（跟餐）$9飲品偏甜，怕甜的朋友仔記得少甜喇！紅豆冰係勁多紅豆🫘，好滿足！而雜果賓治🍹好大杯，最後我地飲唔晒🙈。