平民扒房@友蠔食

營業中

休息中

韓國餐廳內隱藏左間有得食生蠔焗蠔、熱石板扒餐、海鮮意粉等。前菜都好多款式，又有海膽撈冷烏冬、意式凍蕃茄等，睇到我眼花撩亂！最後聽大佬意見，揀左果二人餐，基本上有齊佢想食熱石牛扒，我想食既海鮮意粉，仲有最鍾意既生蠔海鮮拼盤。 - 餐湯、小食、餐飲-南瓜餐湯，啖啖南瓜蓉，都幾足料！另外有三選二既小食，我地揀左吉烈蝦同蟹肉忌廉薯餅，兩款都好香脆！兩杯餐飲，分別係雜莓乳酸特飲同芒果特飲，都好大杯同夠晒氣！ - 冷盤 -所有海鮮都好鮮甜，夠晒冰凍！帶子好大粒，仲有海螺好爽口，生蠔海水味濃！ - 熱石板 -店員甜心提醒，牛扒上碟果陣只有一成熟，將牛肉在熱石板上煎到岩自己心水既生熟度。煎到岩岩好，淋身得黎，仲keep到好多肉汁。 - 海鮮意粉 -揀左蒜蓉白汁蜆意粉，意粉唔會太淋，有咬口。尼款蜆肉大粒之餘仲好多汁，個人覺得好食過冷盤果款。