影片
更多
2021-11-01
188 瀏覽
數數手指都有成四個月冇食Omakase了，做完資料搜集後立即book咗依間性價比幾高嘅鮨店！平時食開晚市Omakase最基本都要千尾至二千幾蚊一位，依度只需要一千頭，內容物都幾豐富，食食下都食咗兩個幾鐘，質素完全對得住價錢，絕對係抵食之選😽• 桜 SAKURA $1080先付、刺5点、料理一品、握リ寿司6貫、吸物、テザート前菜擺盤精美，共有三款小菜，順住食用次序分別係目光魚、鮟鱇魚肝同白子。目光魚味道有啲似九肚魚，但肉質冇咁散，較結實。鮟鱇魚肝質感細滑。冬季當造嘅白子入口即溶夠creamy✨接住落嚟逐一呈上五款刺身。第一道係九繪魚，屬於一種白身魚，白身魚一般味道淡雅，然而九繪魚魚味頗濃，口感煙韌，配上烏魚子及紫蘇花再沾上酸汁，帶出鮮味又唔會喧賓奪主👏🏻第二道係來自北海道嘅象拔蚌配昆布絲，彈性十足，非常鮮甜亦冇貝類容易出現嘅腥味🤤第三道係啱啱當造嘅香箱蟹，亦即係雌性松葉蟹。拆肉後放上橙啡色嘅真蟹子及經炸香嘅澤蟹仔，每一啖都充滿住海洋鮮味😚第四道係秋刀魚配炸蔥絲及薑蓉，一向好鐘意將秋刀魚做成刺身嘅做法，正值秋天更係秋刀魚最肥美嘅季節，肉質彈牙且油脂豐富，好好食😌壓軸出場有厚切拖羅配上海膽，
• 桜 SAKURA $1080
先付、刺5点、料理一品、握リ寿司6貫、吸物、テザート
前菜擺盤精美，共有三款小菜，順住食用次序分別係目光魚、鮟鱇魚肝同白子。目光魚味道有啲似九肚魚，但肉質冇咁散，較結實。鮟鱇魚肝質感細滑。冬季當造嘅白子入口即溶夠creamy✨
接住落嚟逐一呈上五款刺身。第一道係九繪魚，屬於一種白身魚，白身魚一般味道淡雅，然而九繪魚魚味頗濃，口感煙韌，配上烏魚子及紫蘇花再沾上酸汁，帶出鮮味又唔會喧賓奪主👏🏻
第二道係來自北海道嘅象拔蚌配昆布絲，彈性十足，非常鮮甜亦冇貝類容易出現嘅腥味🤤
第三道係啱啱當造嘅香箱蟹，亦即係雌性松葉蟹。拆肉後放上橙啡色嘅真蟹子及經炸香嘅澤蟹仔，每一啖都充滿住海洋鮮味😚
第四道係秋刀魚配炸蔥絲及薑蓉，一向好鐘意將秋刀魚做成刺身嘅做法，正值秋天更係秋刀魚最肥美嘅季節，肉質彈牙且油脂豐富，好好食😌
壓軸出場有厚切拖羅配上海膽，兩款高質食材嘅鮮味融合埋一齊，滿口油香充斥口腔，只能以幸福去形容😳
食完刺身就到熟食！熟食方面則有燒大蝦同雞心，大蝦以雞皮包裹再燒至香脆，雞心幾有咬口，點埋個蜜糖芥末醬有助解油膩～
之後又到咗我最愛嘅壽司環節！第一貫係深海池魚，鐘意食壽司嘅朋友應該都唔會陌生，細緻爽彈嘅口感正是佢嘅特色，以清澈嘅白醬油調味，唔會破壞食材原有嘅色彩😌
第二貫係石垣貝，一種口感綿密嘅貝類，師傅呈上壽司嘅時候會拍打貝肉，貝肉會即時收縮，顯示其新鮮度極佳之餘肉質亦會變得更加爽口😚
第三貫係赤睦魚，用上炙燒嘅做法迫出魚油嘅香味，加上少許生蒜點綴增添風味☺️
第四貫係右口魚，油脂豐富，同樣採用炙燒嘅做法，而上高嘅係松露醬，本以為會好搶味，點知兩者嘅味道都幾夾🧡
第五貫係我期待已久嘅海膽，師傅毫不吝嗇咁放上厚厚一層海膽，滿口鮮甜嘅海膽令到味蕾好滿足😳
最後則有濃味之首嘅赤邊鮑魚配鮑魚肝醬，先吃爽彈鮑魚肉，再將飯粒同鮑魚肝醬混合，嗰浸香味係會令人眼前一亮✨
接住呈上洋蔥湯暖一暖胃，湯頭味道較清，可以清一清口腔中殘餘嘅味道😌
最後嘅甜品都幾有誠意，有清甜嘅日本蜜瓜、黃豆粉黑糖蕨餅同朱古力雪糕最中餅，結束依個咁完滿嘅一餐😚
張貼
