影片
更多
2022-11-15
89 瀏覽
鮨心旬節位置十分方便，一出地鐵站就見到。店內裝修簡單而整潔，有吧檯，有座位，也有廂房，整體環境十分舒適。今次我哋坐吧檯，除咗可以欣賞師傅用心製作之外，師傅亦都會好細心詳盡介紹每一道菜。☆燒鱈魚乾一上菜已經傳來陣陣香味，每一片鱈魚乾都十分香脆，味道略帶微辣。☆櫻煮八爪魚八爪魚食落比較淋身，帶有淡淡的櫻花香味。☆青森縣鮟鱇魚肝鮟鱇魚肝用咗慢煮嘅方法，食落比較Creamy。☆九州海月（水母）海月配搭醋物，口感酸酸甜甜，十分開胃。☆茶碗蒸蒸蛋蒸得好滑之餘，裡面仲要好足料，有三文魚籽、蟹肉、雞肉等等。☆北海道帆立貝師傅話醬汁加咗少少柚子皮，食落令帆立貝更加鮮甜。☆北寄貝師傅打一打隻北寄貝，令到佢肌肉收一收縮，食落變得好爽口。☆梭子魚梭子魚肉質比較爽口，連魚皮食，咬落去啖啖油脂，好好味。☆白蝦用木紋昆布包住白蝦，再配以自家製蝦油豉油，比較黏口，裡面的白蝦也很甜。☆香箱蟹（松葉蟹乸）蟹肉十分鮮甜之餘，面頭再加上一大舊香箱蟹籽，很香口。☆秋刀魚食落完全沒有苦澀味，再加上少少薑葱，能帶出秋刀魚的鮮味。☆黑目魚輕輕燒一燒，逼一逼啲魚油出嚟，再加上少少生蒜，油脂感十分豐富。☆中拖羅來自奄美大島的中拖羅，顏色
位置十分方便，一出地鐵站就見到。店內裝修簡單而整潔，有吧檯，有座位，也有廂房，整體環境十分舒適。
今次我哋坐吧檯，除咗可以欣賞師傅用心製作之外，師傅亦都會好細心詳盡介紹每一道菜。
☆燒鱈魚乾
一上菜已經傳來陣陣香味，每一片鱈魚乾都十分香脆，味道略帶微辣。
☆櫻煮八爪魚
八爪魚食落比較淋身，帶有淡淡的櫻花香味。
☆青森縣鮟鱇魚肝
鮟鱇魚肝用咗慢煮嘅方法，食落比較Creamy。
☆九州海月（水母）
海月配搭醋物，口感酸酸甜甜，十分開胃。
☆茶碗蒸
蒸蛋蒸得好滑之餘，裡面仲要好足料，有三文魚籽、蟹肉、雞肉等等。
☆北海道帆立貝
師傅話醬汁加咗少少柚子皮，食落令帆立貝更加鮮甜。
☆北寄貝
師傅打一打隻北寄貝，令到佢肌肉收一收縮，食落變得好爽口。
☆梭子魚
梭子魚肉質比較爽口，連魚皮食，咬落去啖啖油脂，好好味。
☆白蝦
用木紋昆布包住白蝦，再配以自家製蝦油豉油，比較黏口，裡面的白蝦也很甜。
☆香箱蟹（松葉蟹乸）
蟹肉十分鮮甜之餘，面頭再加上一大舊香箱蟹籽，很香口。
☆秋刀魚
食落完全沒有苦澀味，再加上少少薑葱，能帶出秋刀魚的鮮味。
☆黑目魚
輕輕燒一燒，逼一逼啲魚油出嚟，再加上少少生蒜，油脂感十分豐富。
☆中拖羅
來自奄美大島的中拖羅，顏色十分粉紅，油脂亦都非常甘香。
☆大拖羅
油脂分布更加平均，更加豐富，入口即溶。
☆右口魚裙邊
肉質十分嫩滑，油脂豐富，輕輕燒一燒，味道甘香。
☆北海道赤海膽
海膽超多，滿滿的，味道勁濃郁，十分鮮甜。
☆卷物
卷物包住赤身、天婦羅碎、拖羅蓉，再加上三文魚籽，每一啖咬落去都有唔同口感。
☆吸物
魚湯十分濃郁得嚟唔算鹹，豆腐都幾滑，十分好飲。
☆甜品三款
赤肉蜜瓜好甜好多汁，黑糖蕨餅煙煙韌韌唔會太甜，朱古力雪糕最中餅十分滑溜。食埋呢三款精美甜品，今餐可謂十分完美。
張貼
