LAB10 (已結業)

小編呢個食肉獸一向好鍾意食燒肉放題，估唔到呢間位於朗豪坊嘅韓式燒肉餐廳咁出色！------------------------------呢間餐廳主打「無煙韓燒」，並以實驗室為主題，裝修風格好醒神！一嚟到好快就有得入座，餐廳用咗電子點餐，一落order，食物好快就送到嚟，值得一讚！👍🏻👍🏻.食物方面，款式種類非常多，以牛肉為例，共有7款牛部位包括牛舌、牛板腱、西冷、牛肩肉等。😋😋.我就今次叫咗佢哋嘅Supreme Set (安格斯) 放題，有唔同嘅和牛部位任君選擇，例如美國和牛肋肉、和牛肉眼芯、和牛腰脊肉、澳洲M7嘴腰肉同英國特繳封門柳！牛肉非常新鮮，牛味非常重，肉質好鮮嫩，小編同朋友食個非常之開心！😍😍😍.除咗牛肉之外，當然仲有雞肉同五花腩呢啲傳統款式俾大家揀，不過我就始終鍾意食牛肉。飲品方面，有唔同口味嘅梳打，仲有可樂俾大家揀！大家仲可以試吓韓式鐵鍋飯、泡菜同和牛焗麵 👍🏻👍🏻.總括而言，呢間韓燒放題絕對值得一試，小編諗住下個月再encore！大家如果去開旺角，都可以試吓呢個無煙嘅體驗！近排餐廳仲推出咗4週年夾波波遊戲，有機會贏取1折優惠💜💜📍旺角亞皆老街8號朗豪坊10樓26號舖