鴻星中菜 (MOKO新世紀廣場)

營業中

休息中

前排母親節太忙冇同媽咪慶祝🎊今次一於補返數去左旺角MOKO（鴻星中菜），聽聞佢哋啲小菜套餐質素都幾高，就帶媽咪黎試下😚😚前菜拍蒜青瓜、百味豆腐青瓜好爽脆，酸酸地幾開胃，百味豆腐炸得好香口，外脆內嫩滑又惹味🤤海姥汁龍蝦每人半邊，蝦肉好爽口，再配上濃郁海老汁更加鮮😋虎乳菌翡翠炒帶子帶子厚身得黎好鮮甜，而蜜糖豆又爽脆👍🏻清蒸游水海星斑清蒸時間岩岩好，肉質好嫩滑得黎有鮮味，簡單配上薑蔥豉油即可🤩脆皮炸子雞外皮炸得好脆，肉質幾嫩，而且唔太油膩，越食越惹味😋羊肚菌杞子浸菜苗整個比較清，但煮得好入味，而且白菜仔好爽甜，可以解解膩😊原個蛋黃壽桃包好鬆軟，蓮蓉又唔太甜，配上鹹蛋黃，好正😍