韓燒大叔

營業中

休息中

好耐冇食韓燒，見到呢間餐廳有得韓燒又可以食醬油蟹，即刻約埋3個friend試試。因為 $298位，每四人訂枱加$108 可升級任食海鮮刺身。之後仲可以$1追加慶州千年韓牛西冷一塊或韓國直送醬油蟹併盤，我哋就揀咗醬油蟹，其實仲包埋醬油蝦、螺同八爪魚，份量十足，鹹香鮮味。同埋只要係四人訂枱，餐廳仲會送原塊安格斯西冷牛扒，油花均勻，肉質非常嫩滑juicy，牛味濃，好食。我哋食完覺得好味嘅仲有澳洲草飼黑安格斯封門柳，肉質柔嫩。牛肋骨用獨家醬醃，燒完更惹味。韓式小食好似韓式魚糕、炸雞、柚子單骨雞翼、雞軟骨等等都喺唔錯嘅選擇。自助區可以攞各類燒烤配菜，好似泡菜、生菜、醃青瓜等等，仲有汽水機、窩夫機、軟雪糕機同少許蛋糕甜品。 食飽之後再食埋個窩夫雪糕真係好完美。