阿爺八鮮鍋 (已結業)

上次👦🏻👧🏻嚟阿爺八鮮鍋食$398 2.5小時河鮮海鮮雞煲樣樣齊火鍋放題，有得任食雞煲、海鮮及多款火鍋配料，仲有升級霸王海鮮拼盤！上次覺得食完雞煲覺得好好味同海鮮新鮮又有得任食好正，所以今次帶埋屋企人一齊嚟食。雞煲有3️⃣款口味選擇，泰式酸辣雞煲/韓式芝士雞煲/四川麻辣雞煲，食完可以再添！我地先食四川麻辣雞煲🌶️，雞件炒得香口嫩滑，雞皮爽彈，醬汁惹味鹹香帶輕微麻辣，唔食得辣嘅我地都食得到😍👍🏻！跟住食韓式芝士雞煲🧀，大量芝士灑上雞件上面，炒完變咗熱熔芝士包住雞件，越食越滋味啊😋！加$20升級汽水、包裝飲品任飲。升級霸王海鮮拼盤拼盤入面有越南大虎蝦、澳洲大龍蝦、 蘇格蘭聖子、蘇格蘭大元貝、台山奄仔蟹同新鮮鮑魚。澳洲大龍蝦肉質柔軟Q彈🦞，味道鮮甜多龍蝦膏，好正💯！越南大虎蝦蝦肉厚身爽甜🦐！仲有海鮮、肉類、蔬菜等多款火鍋配料！海鮮方面，超級推介龍躉頭腩同海蟹！龍躉頭腩口感爽彈牙🐬，魚肉好嫩滑。海蟹新鮮多膏🦀，甘香鮮甜。食完有甜品送，每人一杯紫薯慕絲，紫薯味香濃，慕絲打得軟滑細膩，無諗到呢度嘅甜品幾好食！📍 阿爺八鮮鍋 (旺角)旺角登打士街43H號登打士廣場3樓