寶泰船麵 (已結業)

其實香港地嘅泰國嘢，真係啱口味過去曼谷當地食，旺角呢間泰式麵店，有近來大胃熱衷嘅船麵，一於TGIF去會一會麵佢地嘅船麵都算有幾多款，招牌嘅船麵有秘製蝴蝶腩、豬肉片、豬膶、豬肉丸同炸豬皮樣樣都煮得好香嫩，面頭有大量芫荽同九層塔仲有船麵湯醬，金邊粉吸盡湯底精粹當然仲可以自己再加料，佢地會提供四種調味料除咗湯麵，仲有清邁咖喱湯𠻹清邁大胃就未去過喇，不過呢碗咖喱湯香料味好香，雞下髀好大隻好好肉地，仲有雞翼槌，面頭嘅炸麵條吸盡湯嘅香油，又脆又吸味鴨蛋麵口感唔錯，又幾襯咖喱黃金炸豬腩炸得好水擘擘，表面炸至金黃焦脆，內裡卻肥瘦相間口感極爽彈，但又唔會好油，點醬食更係開胃吊味大胃近來開始接受食酸辣鳳爪，呢間嘅鳳爪又大嚿又彈牙，索到酸辣沙律嘅清新香氣，但又唔會太辣，連軟骨都好易嚼佢地嘅飲品唔係水吧hea沖，而係心思之作，薄荷青檸梳打勁香勁解渴，唔會淡茂茂話梅青檸茶又係好香甜，話梅味好出