佢哋最近就2:30-6:00時段出咗一個一人餐，$61就可以食到八款點心，有鮮蝦餃、灌湯小龍包、瑤柱杞子燒賣皇、竹炭熔岩奶皇包等。蝦餃入面蝦仁食落爽口，燒賣係平時少見瑤柱杞子配豬肉，食落多汁好味。而三文魚春卷同腐皮卷都做到非常香脆，咬肉脆卜卜👍🏻，三文魚春卷意外地足料。
我地仲叫左幾款特別D點心。「脆皮沙嗲牛肉包」係落油炸過，所以咬落好香脆。麵包質感較厚實中間放左惹味沙嗲牛肉，好有新鮮感。「黑椒汁牛肉蝴蝶餅 」有少少似刈包，不過中間牛肉餅咬落香口多汁，再配埋黑椒汁好惹味❤️。「蔥花蝦醬豬腩片飯」意外地好味😋，豬腩片好滑口，再配埋蝦醬豬油一齊食，真係好送飯。
估唔到喺通菜街啦，都搵到一間幾親民嘅點心專門店。大家有機會經過都可以試吓～
