地點：旺角彌敦道
菜式：海鮮蒸氣鍋
餐牌：多款套餐，連放題都有，都有散叫。
6
今日叫左個迎新龍蝦海鮮蒸氣鍋餐，$198另加一，有微信仲可以$128。一次過上嗮比你。
1
包以下食物：
生猛厚肉龍蝦（半隻）
龍蝦好大隻，仲有黃色鹹香膏。肉厚又鮮甜，食得出嘅新鮮。
鮮甜活大鮑魚（一隻）
連殼鮑魚肉質一流，味道鮮甜。
爽甜鮮大美貝（一份）
美貝一份一共有四隻，真係超肥美，又嫩滑，肉質飽滿，好正。
精選鮮肥生蠔（一隻）
連殼蠔肉質好滑，完全唔腥。
扎扎跳大海蝦（二隻）
我用口剝殼，將鮮甜蝦汁完全食嗮。蝦肉鮮甜，肉質唔錯。
時令鮮甜海鮮（一份）
時令鮮甜海鮮今日係貝兩隻，比大美貝細少少，不過鹹香味更突出，好鮮美。
澳洲進口牛肉（一份）
牛肉一份一共有四片，油花分佈平均，好靚。食落聞落都帶好香牛味，肉嫩多汁。
高山娃娃菜（一份）
娃娃菜好大條又新鮮，食落香甜多汁。
有機南瓜條（一份）
蒸南瓜好健康。
黑金流沙包（一個）
流沙包用蒸籠上。包身鬆軟，入面流心餡絕對係流出黎，夠餸嗮成個包。食完成個餐都飽。
茶水，醬油料，餐紙同開鍋費每位$18。
1
各式啤酒果茶汽水 $39.8 三罐。
呢度海鮮果然新鮮，牛肉都好高質，呢個價錢食到呢d貨色都好抵。全程有專人幫手計時蒸食物，上菜時間剛好，成個餐食嗮唔洗一個鐘。座位舒適。
