佐賀燒肉谷 (雅蘭中心)

營業中

休息中

最近天氣涼番, 就開始成日都想打下邊爐同食燒肉, 今次同朋友嚟到位於旺角雅蘭中心嘅佐賀燒肉谷食燒肉放題, 真係太耐無食過放題了, 而家多左好多唔同款式, 今次就同朋友睇中左佢地個日本佐賀A4和牛放題套餐, 個set包左六款日本佐賀A4和牛, 真係超抵食! 車車就最中意究極佐賀和牛三角嫩肌同佐賀A4和牛小排, 前者肉質軟嫩, 油脂甘香, 入口即溶, 後者肉味濃郁! 另一款雜果醬封門柳壺漬係季節限定嘅食品, 封門柳經水果醬醃製後, 口感會再嫩d, juicy d, 甜甜地好惹味! 除左有牛肉仲有140款食品可以點, 例如唔同嘅海鮮：鮑魚／青口／生蠔／貝類等等, 仲有好多蔬菜, 出面仲設有自助區, 有小食、甜品、雪糕機、飲品等....記得要拎銅鑼燒, 燒10秒就食得啦! 食飽飽仲有最愛嘅Movenpick雪糕, 超滿足!!