影片
更多
2022-08-19
328 瀏覽
之前試過walk-in平昌無位，所以今次我提早book定枱陪閨密慶祝。今晚大概七點到，全場full house，果然係超人氣韓燒！入座要先揀套餐，我哋今次就揀咗$298 set B世子御膳，可以點曬set A大君御膳加set B所有菜式，點餐方式用marker 寫菜式number同數量喺白板仔，然後交俾店員就可以，幾方便。係等肉熟嘅時候可以食超香滑嘅爐邊蛋，如果想encore就可以揾店員幫你refill。前菜除咗有泡菜、沙律、炸物等等，赤貝沙律唔錯，赤貝都幾厚肉，沙律菜新鮮開胃。原本期待嘅一口芝士唔夠熱無得拉絲。肉類選擇超多，調味嘅肉類會較為濃味，其中嘅牛舌、護心肉、豬五花腩都唔錯，牛舌爽口，護心肉外脆內軟又唔太油膩，口感特別。豬五花腩肥瘦相間，好適合加埋辣醬包生菜，增加口感。海鮮個人推介扇貝同魷魚，扇貝唔算太大但幾鮮甜，魷魚就好爽脆。主食有多款韓式熱湯、石鍋拌飯、炒年糕、辛辣麵，個人認為水冷麵必點，清涼湯底加埋梨、蛋同青瓜絲，口味清新，麵條煙韌，辣拌麵就係乾身版本，同燒肉簡直係絕配！飲品方面除咗有忌廉溝鮮奶、烏龍茶等等嘅罐裝飲品，仲有hite 啤酒同枝裝水，燒肉有無限凍枝裝水真係好正
入座要先揀套餐，我哋今次就揀咗$298 set B世子御膳，可以點曬set A大君御膳加set B所有菜式，點餐方式用marker 寫菜式number同數量喺白板仔，然後交俾店員就可以，幾方便。
係等肉熟嘅時候可以食超香滑嘅爐邊蛋，如果想encore就可以揾店員幫你refill。前菜除咗有泡菜、沙律、炸物等等，赤貝沙律唔錯，赤貝都幾厚肉，沙律菜新鮮開胃。原本期待嘅一口芝士唔夠熱無得拉絲。
肉類選擇超多，調味嘅肉類會較為濃味，其中嘅牛舌、護心肉、豬五花腩都唔錯，牛舌爽口，護心肉外脆內軟又唔太油膩，口感特別。豬五花腩肥瘦相間，好適合加埋辣醬包生菜，增加口感。
海鮮個人推介扇貝同魷魚，扇貝唔算太大但幾鮮甜，魷魚就好爽脆。
主食有多款韓式熱湯、石鍋拌飯、炒年糕、辛辣麵，個人認為水冷麵必點，清涼湯底加埋梨、蛋同青瓜絲，口味清新，麵條煙韌，辣拌麵就係乾身版本，同燒肉簡直係絕配！
飲品方面除咗有忌廉溝鮮奶、烏龍茶等等嘅罐裝飲品，仲有hite 啤酒同枝裝水，燒肉有無限凍枝裝水真係好正，解膩又解酒！如果唔啱，加錢仲可以飲燒酒送燒肉。
服務算正常，超後生店員們回應同收碟幾快，仲有oppa坐鎮，好有韓味！
張貼
