貴香園

營業中

休息中

成日聽朋友去食呢間米線, 終於搵日一齊去試下朋友既飯堂🤪舖頭雖然唔太大間, 台與台之間空間比較細, 所以都坐到唔少客人。雲南小鍋酸辣米線 $48配料叫左韭菜餃🥟同蘿蔔, 韭菜餃正常水準似屋企自己包既味道。而蘿蔔清甜冇根, 似同冬菇一齊炆煮, 有少少菇味, 份量都有4大件🙀碗米線本身都有配到炸醬芽菜腐皮酸菜韭菜, 都係小鍋米線既基本配搭。而湯底酸味較特出, 亦好香濃👍🏼沙爹米線 $54配料叫左豬軟骨同腩肉🍖豬軟骨炆得好淋, 味道同出面食到既味道差唔多。腩肉有少少乾身, 但味道唔錯, 可能揀左沙爹湯底, 有少少俾湯底搶左個味😲碗米線本身都有配肉碎, 令到沙爹湯底更加濃郁。