影片
更多
2023-07-20
878 瀏覽
-湊湊火鍋 ‧ 茶憩 🔥由湊湊第一間店鋪食到而家咁多間分店我諗食佢既次數都不下廿幾次 但係近期出既椰子雞煲 同金湯酸菜魚湯底依然令我有驚喜！而且食過咁多間火鍋店 論乾淨 論舒適都係呢度最好 空間感又大 座位闊落~✨台式服務: 自助配料 （$19/ pp)包埋入座時提供既正山紅茶 + 鴨血豆腐無限添加 (就算唔係食麻辣鍋都可以添!!) +各式各樣既自助小料台兼前菜 白飯任裝!✨ 鴛鴦湯+ 清涼椰子雞鍋（$138）選用左日本雞肉 加入椰子水 椰肉 檸檬葉 珍珠馬蹄熬製出香甜清新既清涼椰子雞鍋湯底雞肉鮮嫰可口；椰子清甜爽口；岩晒夏天食肉個人比較中意呢個湯肉 連帶牛肉都有淡淡椰子既清香+ 金湯酸菜魚鍋 （$138）選用四川自然發酵酸菜 豬骨同新鮮魚片熬製既湯底淨飲個湯頭會較為辛辣酸爽 用黎淥牛肉都好夾✨肉類+ 美國特選級牛肉雙拼 （$248/240g）= 特選級牛小排 + 特選級牛肩胛肉眼牛小排帶有既油花非常豐富 係成隻牛油脂與油花分佈最為精緻之部位 所以食落肉質非常鮮嫩 牛油味勁香而牛肩胛肉眼既肉味會較濃啲 因為係經常運動既部位脂肪較少 有咬口 中間會有條透明嫩筋 嫩中帶爽口~+ 美國特選級
湊湊火鍋 ‧ 茶憩 🔥
由湊湊第一間店鋪食到而家咁多間分店
我諗食佢既次數都不下廿幾次 但係近期出既
椰子雞煲 同金湯酸菜魚湯底依然令我有驚喜！
而且食過咁多間火鍋店 論乾淨 論舒適
都係呢度最好 空間感又大 座位闊落~
✨台式服務: 自助配料 （$19/ pp)
包埋入座時提供既正山紅茶 +
鴨血豆腐無限添加 (就算唔係食麻辣鍋都可以添!!) +
各式各樣既自助小料台兼前菜 白飯任裝!
✨ 鴛鴦湯
+ 清涼椰子雞鍋（$138）
選用左日本雞肉 加入椰子水 椰肉 檸檬葉 珍珠馬蹄
熬製出香甜清新既清涼椰子雞鍋湯底
雞肉鮮嫰可口；椰子清甜爽口；岩晒夏天食肉
個人比較中意呢個湯肉 連帶牛肉都有淡淡椰子既清香
+ 金湯酸菜魚鍋 （$138）
選用四川自然發酵酸菜 豬骨同新鮮魚片熬製既湯底
淨飲個湯頭會較為辛辣酸爽 用黎淥牛肉都好夾
✨肉類
+ 美國特選級牛肉雙拼 （$248/240g）
= 特選級牛小排 + 特選級牛肩胛肉眼
牛小排帶有既油花非常豐富 係成隻牛油脂與油花分佈
最為精緻之部位 所以食落肉質非常鮮嫩 牛油味勁香
而牛肩胛肉眼既肉味會較濃啲 因為係經常運動既部位
脂肪較少 有咬口 中間會有條透明嫩筋 嫩中帶爽口~
+ 美國特選級牛板腱 （$138）
同樣地肉味濃郁 肉質鮮嫩 同時油花分布平均
而中間位置較有咬口 個人最中意係呢款
味道質感都較平均 軟稔得黎又有口感 必點！
+ 毛肚 （$88/150g）
唯獨是呢度既毛肚令我食得最安心又開心
因為佢地事前既處理功夫真係做得好好
每次黎食都唔怕有異味 又爽脆掛湯☺️
✨其他
+ 鮮蝦小雲吞（$58）
同平時食到既小雲吞有啲唔同 十分足料
無論係豬肉定係蝦肉都係份量滿滿 有滿足感！
+ 奶油生菜（$38）
食過咁多菜 我諗最特別既就係呢一款
係黎自台灣溫室水耕種植既 食落甘甜微苦
口感脆嫩清香 又帶有少少奶油香 由於膳食纖維較多
可以有助消除多餘脂肪 完全係打邊爐既恩物！！
✨飲料
+ 雲朵絲絨大紅袍（$32）
係我每次黎湊湊必點飲料 - 因為中意個茶底夠晒醇厚
奶泡綿滑懸浮茶既上面 一開始可以飲到上下各自味道
攪勻後可以飲到綿滑濃郁既奶茶 一杯飲品有雙重體驗！
張貼
