影片
更多
2025-03-29
1625 瀏覽
天氣仲未回暖，無論係同朋友定係家庭聚會，都想圍爐取暖嘅😮 呢晚嚟咗旺角呢間火鍋店，最平$198就可以任食兩小時😎 而我哋就叫咗$218嘅A餐，咁就連肉類都可以任食啦 。鍋底♦️膠原蛋白養顏美容鍋呢個係勁高質嘅鍋底，店員建議我地先飲一啖湯，再打邊爐🍲 飲落又真係幾滋補喎，啱晒而家呢種天氣呀。♦️養生藥膳醉雞鍋一上枱已經聞到嗰種酒香，藥膳味道都唔錯，食落口唔會太苦🙈肉類雖然A餐只有四款肉類，但係已經齊晒豬、牛、羊同埋雞🥩 四款肉類分別係精選肥牛、田野鄉村嫩豬肉、羊肉卷同埋雞件🐥 個人幾鍾意羊肉卷，真係幾嫩口🐑 餐廳仲好貼心，寫咗肉類嘅建議烹煮時間，咁就唔驚煮到太老啦😙海鮮呢個餐都包咗幾款海鮮，包括有鯇魚片、鯇魚骨腩、竹簽蝦、沙白同埋蟹籽墨魚滑。竹簽蝦係我encore再encore嘅菜式，因為都幾大隻同埋食落口幾彈牙🦐 另外喺外面嘅自助區仲可以攞水魷魚，呢樣同樣係我都幾鍾意食嘅海鮮🦑火鍋配料可以用枱面嘅平板落單或者係出去自助吧自己夾。韭菜豬餛飩、栗米餃、白菜豬肉餃、白柏葉同埋滑豆腐，呢幾款食物就係我喺平板度撳嘅，都冇漏單嘅情況🫢 自助吧令人花多眼亂，呢日有接近10款蔬菜，仲有好多丸類嘅火鍋配料☺️
天氣仲未回暖，無論係同朋友定係家庭聚會，都想圍爐取暖嘅😮 呢晚嚟咗旺角呢間火鍋店，最平$198就可以任食兩小時😎 而我哋就叫咗$218嘅A餐，咁就連肉類都可以任食啦 。
鍋底
♦️膠原蛋白養顏美容鍋
呢個係勁高質嘅鍋底，店員建議我地先飲一啖湯，再打邊爐🍲 飲落又真係幾滋補喎，啱晒而家呢種天氣呀。
♦️養生藥膳醉雞鍋
一上枱已經聞到嗰種酒香，藥膳味道都唔錯，食落口唔會太苦🙈
肉類
雖然A餐只有四款肉類，但係已經齊晒豬、牛、羊同埋雞🥩 四款肉類分別係精選肥牛、田野鄉村嫩豬肉、羊肉卷同埋雞件🐥 個人幾鍾意羊肉卷，真係幾嫩口🐑 餐廳仲好貼心，寫咗肉類嘅建議烹煮時間，咁就唔驚煮到太老啦😙
海鮮
呢個餐都包咗幾款海鮮，包括有鯇魚片、鯇魚骨腩、竹簽蝦、沙白同埋蟹籽墨魚滑。竹簽蝦係我encore再encore嘅菜式，因為都幾大隻同埋食落口幾彈牙🦐 另外喺外面嘅自助區仲可以攞水魷魚，呢樣同樣係我都幾鍾意食嘅海鮮🦑
火鍋配料
可以用枱面嘅平板落單或者係出去自助吧自己夾。韭菜豬餛飩、栗米餃、白菜豬肉餃、白柏葉同埋滑豆腐，呢幾款食物就係我喺平板度撳嘅，都冇漏單嘅情況🫢 自助吧令人花多眼亂，呢日有接近10款蔬菜，仲有好多丸類嘅火鍋配料☺️ 幾推介佢嘅牛筋丸同埋香菇貢丸。
小食
係鍋底未到嘅時候已經可以攞嚟食住先，有開胃嘅涼拌雲耳、炸饅頭、茶葉蛋同埋咖喱魚蛋😂
甜品
款式好多，差不多成20款，成個櫃都係唔同款式嘅甜品，呢日臨近情人節都有啲特別嘅款式😝 例如玫瑰花型嘅士多啤梨牛乳布甸🍮 友人就最鍾意開心果布朗尼，佢仲食咗好多件添呀。另外有豆腐花、涼粉同埋香港品牌嘅雪糕任食🍦
飲品
呢度啤酒汽水都係任飲，而比較健康嘅自家製無糖茶，就要喺自助用玻璃杯斟出嚟😗 咁就更加環保啦，飲幾多就斟幾多🍵 不過最開心當然係可以同朋友飲啤酒開懷大嚼一下🍻
如果大家9點後先嚟食，仲可以食到凌晨兩點，等我即刻約班friend下次嚟食宵夜邊爐先😍
張貼
